________________
MISIRISTE...
આગમોના ગૂઢ વિષયોને સરલ કરીને પ્રકરણરૂપે આપણા સુધી પહોંચાડનાર પૂજ્ય મહાત્માઓના ઉપકારની સ્મૃતિ થયા વિના નથી રહેતી. આ ‘રત્નસંચય પ્રકરણ' ગ્રંથ અલભ્ય છે. તે ગ્રંથને પુનઃ મુદ્રણ કરવાની ભાવના પરમ પૂજ્ય, શાસન પ્રભાવક, યુગદિવાકર, આચાર્યદેવ શ્રીમદ્ વિજય ધર્મસૂરીશ્વરજીમહારાજાના પટ્ટધર પરમ પૂજ્ય, સાહિત્યકલારત્ન આચાર્યદેવ શ્રીમદ્ વિજય યશોદેવસૂરીશ્વરજી મહારાજાના આજ્ઞાવર્તિની સાધ્વીજી શ્રી વિરતિયશાશ્રીજી ગ્રંથને પ્રકાશિત કરવા માટે પ્રેસ આદિ માટેનું માર્ગદર્શન લેવા, પરમ પૂજ્ય અધ્યાત્મયોગી પંન્યાસપ્રવરશ્રી ભદ્રંકરવિજયજી ગણિવર્યશ્રીના પ્રશિષ્યરત્ન પંન્યાસપ્રવરશ્રી વજ્રસેનવિજયજી મહારાજ પાસે ગયા. પૂજ્યશ્રીએ આપ્ત ભાવે માર્ગદર્શન આપવા સાથે મુદ્રણ અંગે તથા પ્રૂફ આદિની જવાબદારી સંભાળી લેતા, પૂજ્ય સાધ્વીજી ભગવંત નિશ્ચિંત બની ગયા અને આ ગ્રંથ અમારી સંસ્થા દ્વારા આજે પ્રકાશિત થઇ આપના કરકમલોમાં આવી શક્યો તે બદલ તે સર્વે પૂજ્યોએ આપેલા લાભ બદલ ખૂબ-ખૂબ ઋણી છીએ.
ગ્રંથોના બહોળા વિષયોનો સ્વાધ્યાય આત્માને ખૂબ જ ઉપયોગી જ્ઞાન કરાવનાર બને એવો છે. તેથી જ્ઞાનપિપાસુઓને તો આ ગ્રંથ અમૃતના આસ્વાદરૂપ બનશે તેમાં શંકા નથી.
××
અંતે ગ્રંથનું વાંચન કરી સમ્યજ્ઞાન પામી સ્વ-પર આત્મ-કલ્યાણ કરનાર બને એ જ અંતરની અભિલાષા...
રત્નસંચય ૦ ૩
- ભદ્રંકર પ્રકાશન
અમદાવાદ.
