________________
(૨) સુપાત્ર દાનનું સ્વરૂપ पंचमहव्वयपरिपालणाणं, पंचसमिईहिं समिआणं । तिगुत्ताण य वंदिय, साहूणं दाणमुत्तमयं ॥ ५०६ ॥
અર્થ : પાંચ મહાવ્રતોને પાળનારા, પાંચ સમિતિ વડે સમિત અને ત્રણ ગુપ્તિ વડે ગુપ્ત એવા સાધુઓને વંદન કરીને જે દાન આપવું તે ઉત્તમ દાન (સુપાત્ર દાન) કહેલું છે. (૫૦૬) (આ દાન સર્વોત્કૃષ્ટ છે.)
(૩) અનુકંપા દાનનું સ્વરૂપ मंदाण य टुंटाण य, दीणअणाहाण अंधबहिराणं । अणुकंपादाणं पुण, जिणेहि न कहिंचि पडिसिद्धं ॥ ५०७ ॥
અર્થ: માંદા (રોગી), ઠુંઠા, દીન, અનાથ, અંધ અને બધિર એવા જનોને જે અનુકંપા વડે દાન આપવું તે જિનેશ્વરોએ કોઈ પણ ઠેકાણે નિષેધ્યું નથી. (૫૦૭) (દયાળ અંત:કરણવાળાએ નિરંતર અનુકંપા દાન આપ્યા કરવું, તે જીવોના દુઃખો દૂર કરવા પ્રયત્ન કરવો જોઈએ, તેથી જ તેનો કરૂણાભાવ ટકી રહે છે.)
(૪) ઉચિત દાનનું સ્વરૂપ उच्चियदाणं एयं, वेलमवेलाइ दाण पत्ताणं । तं दाणं दिनेणं, जिणवयणपभावगा भणिया ॥ ५०८ ॥
અર્થ : વેળાએ અથવા કવેળાએ યાચક તરીકે આવેલાને જે દાન દેવું તે ઉચિતદાન કહેલું છે. તે દાન દેનારા જિનશાસનના પ્રભાવક કહ્યા છે. (૫૦૮) (કારણ કે એવું દાન લેનારા તે દાતારની અને તેના ધર્મની - જૈન ધર્મની પ્રશંસા કરે છે.)
(૫) કીર્તિ દાનનું સ્વરૂપ जिणसाहुसाहुणीण य, सुकित्तिकरणेण भट्टबडुआणं । जं दाणं तं भणियं, सुकित्तिदाणं मुणिवरेहिं ॥ ५०९ ॥
રત્નસંચય - ૨૧૬
Aતરપ
