________________
કુંભી ૩, કૃમિ (કીડા) ૪, શર (બાણ) ૫, ભાર (તોલ) ૬, ખંડ ૭, દર્શન ૮, કુંથુ ૯, પરંપરાગત ધર્મ ૧૦. (૩૪૬)
પ્રદેશી રાજાને કેશી ગણધરે આપેલા ઉત્તર सदारहत्था १ खालिय २,
साली ३ अगणी य ४ कोलमकवाडी ५ । दिय ६ कठ्ठ ७ वाय ८ दीवो ९,
अइभारोवाह १० पडिवयणं ॥३४७ ॥ અર્થઃ પોતાની સ્ત્રીનો જાર ૧, અપવિત્ર સ્થાન ૨, કૂટાકારશાલા ૩, લોઢાના ગોળામાં અગ્નિ ૪, કોમળ (જીર્ણ) ધનુષ્ય ૫, ચામડાની મસક ૬, અરણિનું કાઇ ૭, વાયુ ૮, દીપક ૯ અને લોઢાના ભારને વહન કરનાર ૧૦ - આ ઉત્તર. (૩૪૭).
વિવેચન સહિત પ્રશ્નોત્તર અહીં નીચેની વ્યાખ્યા પ્રમાણે પ્રદેશી રાજાએ પ્રશ્ન પૂછ્યા, તેના ઉત્તર કેશીકુમાર ગણધરે દષ્ટાંત સહિત આપ્યા તે આ પ્રમાણે -
પ્રશ્ન ૧ : તમારા મત પ્રમાણે મારા દાદા અધર્મી હતા તે નરકે જવા જોઈએ. જો તે નરકે ગયા હોય તો મારા પર તેની ઘણી પ્રીતિ હતી. તેથી મને આવીને પાપ કરવાનો નિષેધ કેમ ન કરે?
ઉત્તર ૧ : તમારી પોતાની રાણીને કદાચ કોઈ જાર પુરૂષ સાથે દુરાચાર કરતી તમે જોઈ હોય, તો તમે તે જાર પુરૂષને તરત જ કેદ કરી દેહાંતદંડની શિક્ષા કરો. તે વખત તે કદાચ પોતાના પ્રિય કુટુંબને આવું નિંદ્ય કર્મ ન કરવા બાબત ઉપદેશ આપવા જવાને ઇચ્છે તો તમે તેને જવાની રજા આપો ખરા ? ન જ આપો, તે જ પ્રમાણે નારકીના જીવો પરાધીન હોવાથી ઇચ્છતા હોય તો પણ અહીં આવી શકતા નથી.
પ્રશ્ન ર : મારી દાદી જૈનધર્મી હતી. તે તમારા મત પ્રમાણે સ્વર્ગે જવા જોઇએ. તેને હું અત્યંત વલ્લભ હતો તેથી તે અહીં આવીને મને ધર્મમાર્ગે કેમ ન પ્રવર્તાવે ?
-
રત્નસંચય - ૧૫૦.
