________________
માટે મહુડાનું દાતણ ૨, મસ્તક સાફ કરવા માટે આમળાનું ફળ ૩, અભંગન માટે શતપાક અને સહસ્રપાક તેલ ૪, ઉદ્વર્તન માટે સુગંધી ચૂર્ણ ૫, સ્નાન માટે આઠ ઘડા પાણી ૬, શરીરે ઓઢવાનું એક રેશમી વસ્ત્ર તથા બે સુતરાઉ વસ્ત્ર ૭, કેસર, ચંદન, કસ્તુરી વિગેરે સુગંધી પદાર્થનું વિલેપન ૮, પુષ્પમાં કમળનું પુષ્પ અને માલતીની માળા ૯, આભરણમાં ચિત્ર વિનાના બે કુંડલ અને એક નામાંકિત મુદ્રિકા ૧૦, ધૂપમાં અગર અને તુરૂષ્કનો ધૂપ ૧૧, પયામાં મગ અને ચોખાની પેયા ૧૨, ભક્ષ્યમાં ખાંડ પાયેલા ઘેબર ૧૩, ઓદનમાં કમોદના ચોખા ૧૪, કઠોળમાં મગ, અડદ અને ચણાની દાળ, ધૃતમાં શરદઋતુમાં થયેલું ગાયનું ઘી ૧૬, શાકમાં રાયડોડી, આમળા અને અગથીયો (અથવા ચંચુ, મંડકિકા અને સોવસ્તિ) ૧૭, ફળમાં પલંક અને બીલી વિગેરેનાં મધુર ફળ ૧૮, જમણમાં વડા અને પૂરણ ૧૯, પાણીમાં આકાશથી પડેલ જળ ૨૦, તાંબુલમાં જાયફળ, કંકોલ, કપૂર, એલચી અને લવિંગ – એ પાંચ સુગંધીવાળું નાગરવેલી પાન ૨૧ - આ એકવીશ જાતના અભિગ્રહો આનંદાદિક દશે શ્રાવકોના જાણવા. ભોગોપભોગ વ્રતમાં ઉપર કહેલી વસ્તુઓજ માત્ર વાપરવી; બીજી સર્વ વસ્તુનો ત્યાગ કર્યો હતો એમ સમજવું. (૧૮૭-૧૮૮) (૧૨૪) પહેલા આણંદ અને આઠમા મહાશતકને
થયેલ અવધિજ્ઞાનનું પ્રમાણ उढे सोहम्मसुरे, लोलुय नरए अहे य उत्तरे हिमवं । पंचसयं तिदिसाए, ओही आणंदसयगस्स ॥ १८९ ॥
અર્થ : ઉંચે સુધર્મા દેવલોક સુધી, નીચે લોલુક નામના નરકના પાથડા સુધી, ઉત્તર દિશામાં હિમવંત પર્વત સુધી તથા બાકીની ત્રણ દિશા એટલે પૂર્વ, દક્ષિણ અને પશ્ચિમ દિશાએ પાંચસો પાંચસો યોજન સુધી (લવણ સમુદ્રમાં) દેખી શકે એવું આનંદ તથા મહાશતકને અવધિજ્ઞાન થયું હતું. (૧૮૯)
રત્નસંચય • ૧૦૬
