________________
( ૭૩ ) જિનપ્રતિમાને નથી માનતા, નથી પૂજતા તેને માટે ઉપાધ્યાયજી યશોવિજય મહારાજ કહે છે જે–
એણુપેરે બહુ સૂત્ર ભર્યું જીરે, જિનપૂજા ગૃહીકૃત્ય, જે નવી માને તે સહીજી રે, કરશે બહુ ભવ નૃત્ય. સુણે જિન !
તુજ વિણ કવણ આધાર. “બહુ સૂત્રસિદ્ધાંતમાં જિનપૂજાનું કૃત્ય ગૃહસ્થો માટે કહેલું છે, છતાં જે નહી માને તે આ ભવચક્રમાં જન્મમરણના ફેરાવડે નૃત્ય કરશે.” માટે હે ચેતન ! તું લેશમાત્ર જિનપ્રતિમામાં શંકા કરીશ નહી અને હમેશાં પરમાત્માનાં વિધિપૂર્વક દર્શન કરી–પૂજન કરી સમ્યકત્વ રત્નની પ્રાપ્તિ કરી લેજે. તને આ અપૂર્વ અવસર મળે છે, તેથી જેમ બીજા પ્રભુપડિમાનું આલંબન લઈ સમ્યકત્વ પ્રાપ્ત કરી આત્મકલ્યાણ કરી ગયા તેમ તું પણ કરી શકીશ. માટે નિશ્ચળ ચિત્તથી જિનપડિમાના દર્શન પૂજા ભક્તિ કરજે. ઈતિ શ્રી જિનપ્રતિમાને તથા તેમની
પૂજા–ભક્તિનો અધિકાર. જેવી રીતે આ પંચમકાળમાં જિનપ્રતિમાને ભવી જીવને આધાર છે, તરવાનું સાધન છે, તેવી જ રીતે તીર્થંકર ગણધરેએ કહેલા જિન આગમ પણ જીવને સંસારમાંથી તરવાનું પ્રબળ સાધન છે. આગમમાં બતાવેલ ધર્મનું આરાધન કરનાર ભવ્ય જી આત્માની પરમાત્મ દશા પ્રાપ્ત કરે છે. જે વીરપ્રભુના બતાવેલા તત્ત્વ જીવ સાંભળે તો તેના હૃદયમાં નવીન અભૂત વિચાર પેદા થાય, માટે હે ચેતન ! સર્વજ્ઞ પ્રભુએ કહેલો ધર્મ ઉતમ શરણરૂપ જાણુને મન વચન અને કાયા ત્રિકરણ શુદ્ધ તેનું આરાધન કર ! આરાધન કર ! અવસર હાથમાં આવ્યા છે તેને
