________________
જાIIII
સિંહ સત્ત્વનું સ્વામીત્વ
જેની પૂર્તિ અશક્યપ્રાયઃ લાગે, એવી માંગણી શોધી કાઢીને દાતારની સમક્ષ એને રજૂ કરવી, એ હજી સાવ સહેલું ગણાય, પણ દુર્લભનો દાતાર જડી આવે, ત્યારે માંગણી મુજબની એ ચીજ મેળવવા હાથ લંબાવવા માટે તો ઘણી બધી હિંમત જોઈએ. આ સંદર્ભમાં “દેવું સહેલું બને, અને “લેવું એ અતિદોહ્યલું ગણાય, આને સૂચવતી એક ઘટનાને સંભારીએ, ત્યારે મૂળીના દરબાર ચાંચોજી પરમાર અને હળવદના દસોંદી ચારણનો એક પ્રસંગ યાદ આવ્યા વિના ન જ રહે.
એક વાર હળવદના રાણા કેસરજી, ધ્રોળના રાજવી વિક્રમશી અને ધાંગધ્રાના દરબાર મંગળજી ગોમતીસ્નાન પ્રસંગે અચાનક જ એકઠા થઈ ગયા. એ સ્નાનની સ્મૃતિમાં ત્રણેએ જુદાં જુદાં વ્રત-સંકલ્પ કર્યો. એના પરથી પ્રેરણા પામીને મૂળીના દરબાર ચાંચોજી પરમારે પણ એક એવો ભીખ સંકલ્પ કર્યો કે, જેની પૂર્તિ અશક્યપ્રાયઃ જણાય, એવી પણ કોઈ માંગણી થાય, તો મારે એની પૂર્તિ કરીને જ સંતોષનો શ્વાસ લેવો ! ઘણા ઘણાએ પરમારને આવો સંકલ્પ કરતાં વારવાનો પ્રયાસ કરતાં કહ્યું ૧૬ --~~~~
સંસ્કૃતિની રસધાર ભાગ-૫
