________________
જૂનાગઢની ગાદીને શોભાવવાની છે. જૂનાગઢનું હિત આપના હૈયે વસ્યું જ હોવાથી અમારી આટલી વિનંતી આપ જરૂર સ્વીકારી લેશો. એદલખાનજીની કોઈ રૂકાવટ-કનડગત આપને નડશે નહિ. માટે આ અંગે આપ નિશ્ચિત રહેશો.
બધી પરિસ્થિતિથી માહિતગાર બન્યા બાદ રસૂલખાનજી તરફથી હકારાત્મક જવાબ મેળવીને વજીર અને દીવાને બરાબર એવો તણો ગોઠવ્યો કે, જૂનાગઢની ગાદી પર રસુલખાનજી જ રાજ્યાભિષિક્ત બની શકે અને એદલખાનજીનો કોઈ અવરોધ ટકી શકે જ નહિ. અંગ્રેજી કોઠી તરફથી મળી ચૂકેલા રૂક્કાની વિગત એકદમ ગુપ્ત રાખવામાં આવી હોવાથી એક તરફ એદલખાનજીએ રાજ્યગાદી તરફ આગળ વધવાનો તો જાહેરમાં ગોઠવવાનો શરૂ કરી દીધો, તો બીજી તરફ પડદા પાછળ રસૂલખાનજી જ રાજ્યાભિષિક્ત બને, એ માટેના પ્રયાસ વજીર દ્વારા શરૂ થયા.
પ્રજા મનોમન તો રસૂલખાનજીને જ રાજવી તરીકે ઇચ્છી રહી હતી. શિકારના શોખને સળગાવી દઈને એઓ અહિંસાના આશક સાંઈ બની ગયા હતા, ત્યારથી એમના તરફની લોકચાહના વધી રહી હતી. પણ તેઓ તો સાંઈ બની ચૂક્યા હોવાથી એમની આશા રાખવી વ્યર્થ જણાતી હોવાથી પ્રજાનો મોટો ભાગ એદલખાનજીની પડખે ખડો રહેલો જણાતો હતો. અભિષેકની પળ આવતા જ એદલખાનની સવારી રાજસભામાં આવી પહોંચે, એ પૂર્વે જ જ્યાં રસૂલખાનજીની છડી પોકારાઈ ગઈ, ત્યાં જ થોડી ગડમથલ અને રકઝક જેવું વાતાવરણ સરજાઈ ગયું. પણ વળતી જ પળે જ્યાં અંગ્રેજી કોઠી તરફથી લખાયેલો એ રૂક્કો વજીર તથા દીવાન તરફથી એદલખાનજીની સમક્ષ રજૂ કરવામાં આવ્યો, ત્યાં જ એ સંઘર્ષ આગળ વધતો અટકી ગયો અને જૂનાગઢની જનતા એકી અવાજે રસૂલખાનજીનો જયજયકાર ગજવી રહી.
અણધારી રીતે જૂનાગઢની ગાદી પ્રાપ્ત થતાંની સાથે જ નવાબ સંસ્કૃતિની રસધાર ભાગ-૩ -
