________________
૧૯૬
ઉંચો નથી નીચો નથી, રૂપ વિહીન હું સાક્ષાત્ છું;
હું સર્વ કરતાં ભિન્ન કેવળ, આત્મ સત્ પરમાત્મા છું. પ જાગ્રત નથી હું સ્વપ્ન નથી, યા હું સુષુપ્ત દશા નથી;
હું વિશ્વ નથી તૈજસ્ નથી, કે પ્રાજ્ઞ સંજ્ઞક હું નથી; પરિવાર એ અજ્ઞાનનો, સંબંધી તેનો હું ન છું;
એ સર્વ કરતાં ભિન્ન કેવળ, આત્મ સત્ પરમાત્મા છું. ૬ આજ્ઞા નથી કરનાર મુજને, કોઈ આગમ હું નથી;
મિથ્યા નથી સંસાર કે, હું શિષ્ય સદ્ગુરૂ જન નથી, શિક્ષા નથી દીક્ષા નથી, ભિક્ષા નથી હું આત્મ છું;
સંકલ્પથી વિરહિત કેવળ, આત્મ સત્ પરમાત્મા છું. ૭ મહારે ઉંચાઈ છે નહી, નીચાઈ તેમજ છે નહી;
કંઈ ગુહ્ય નથી કંઈ બાહ્ય નથી, ઉત્તર અગર દક્ષિણ નહી; પ્રાચી પ્રતીચી દિગૂ નહી, નિર્લેપ સૌથી શાન્ત છું;
હું અમર અક્ષય શુદ્ધ નિર્મળ, આત્મ સત્ પરમાત્મા છું. ૮ આ દુઃખથી પરિપૂર્ણ તત્ત્વ, રહિત વિશ્વ અસત્ય છે;
જળ ઝાંઝવાનું ફોક તેવું, શાનથી ઉડી જાય છે; એને અને મુજને કશો, સંયોગ નથી જગનાથ છું;
હું અજીત અક્ષય શુદ્ધ નિર્મળ, આત્મ સત્ પરમાત્મા છું. ૯ જ્યાં એક નથી જ્યાં બે નથી, જ્યાં ત્રણ તણા અંકો નથી;
આકાશ પાશ વિકાશ નાશ, તણાં કશાં અંગો નથી; જ્યાં શૂન્ય નથી જ્યાં ધુન્ય નથી, જ્યાં મૌન નથી નિર્વાદ છું; હું અજીત અક્ષય શુદ્ધ નિર્મળ, આત્મ સત્ પરમાત્મા છું. ૧૦
કા. સુધા પા. ૨૦૭ (જવાબ - સિદ્ધપરમાત્માનું સ્વરૂપ)
