________________
૧૬૭ કાયાનો પુત્ર જે અદોષ તે તો કાયાથી કાયમ રૂસણે રહે છે-જુદો જ રહે છે. તેની સ્ત્રી આશા કાયાની વહુઅર તે તો કાયમ શ્રાપ જ દીધા કરે છે. ૮. નિર્લજ મારો વડુઓ સહુ કહે રે, વડીઆઈ વિકરાળ; કોઈ ભલું નહીં એહ કુટુંબમાં રે, બોલે આળપંપાળ. કિમ. ૯
અર્થ કુગતિનો બાપ મિથ્યાત્વ તેને કાયાનો વડુઓ (માતાનો પિતા) સહુ કહે છે પણ તે તો મહાનિર્લજ્જ છે, અને તેની સ્ત્રી અવિરતિ જે મારી વડીઆઈ (માતાની માતા) કહેવાય છે તે તો મહાવિકરાળ છે. આ બંને મિથ્યાત્વને અવિરતિએ જ આ સંસારમાં અનંતકાળ પર્યત જીવને ભમાવ્યો છે, રખડાવ્યો છે. આ કુટુંબમાં કોઈ સારું કે ભલું નથી. બધાં આળપંપાળ જેમતેમ બોલે છે અને મનમાં આવે તેમ કરે છે. ૯. ઇણે ગામે દો ચોર નિત્યે ફરે રે, તિણે સુખ નહીં લવવેશ; એ મૂકીને જે અળગા રહે રે, તે પુણ્યવંત વિશેષ. કિમ. ૧૦
અર્થ આ ગામમાં એટલે આ સંસારમાં સંયોગ ને વિયોગ નામના બે ચોર વસે છે, તે કાયમ ફર્યા કરે છે. તેણે કરીને જીવને લવલેશ માત્ર પણ સુખ નથી. જે પ્રાણી એ સંસારને મૂકીને અળગા રહે છે-સંસારને તજી દે છે તે જીવો વિશેષ પુણ્યવંત કહેવાય છે. તેને સંયોગ, વિયોગ દુઃખ આપી શક્તા નથી. ૧૦.
એહ અર્થ કહ્યો અગોચરુ રે, સદગુરુને આધાર; કર જોડી મુનિ દયાશીલ કહે રે, જોજો પંડિત વિચાર. કિમ. ૧૧
અર્થ આ સઝાયનો અર્થ અગોચર ન સમજાય તેવો છે, કારણ કે તેમાં અત્યંતર ભાવ ભર્યો છે. અહીં જે ઉપનય દર્શાવવામાં આવ્યો છે તે મેં સગુરુને આધારે અવલંબને કહેલ છે. સઝાયના કર્તા દયાશીલ મુનિ હાથ જોડીને કહે છે કે - હે પંડિતો ! તમે તેનો અર્થ વિચારી જોજો. ૧૧.
(શ્રી જૈનધર્મ પ્રકાશ, પુસ્તક - પ૬, અંક-૫)
