________________
ચુનીલાલ બ્રહ્મચારી નાની વયે દેવલોકવાસી થઈ ગયા. મૂળચંદજીએ ઘણું લાંબું આયુષ્ય ભોગવ્યું. તે ઘણા જ કટ્ટર નિયમો અપનાવી, ધર્મમાં ઓતપ્રોત બની, નિર્જરાને પંથે પડ્યા હતા. તેમનો સ્વભાવ ઘણો તેજ હતો એટલે હજુ ક્રોધને જીતવામાં સફળતા મળી ન હતી. મુનિરાજોને હજારીબાગમાં મૂળચંદજી સાથે મિલન થયું. કાઠિયાવાડનો જૂનો ઇતિહાસ તાજો થયો. તેમના પિતાશ્રી ભાઈચંદભાઈ દેસાઈ જેતપુરમાં ગોંડલ સંપ્રદાયનો સ્તંભ હતા. તેમને ગુરુ-મહારાજો પ્રત્યે અપાર ભક્તિ હતી. આ બધો વાર્તાલાપ વાગોળ્યો. મૂળચંદજી પણ ખુશ થયા.
મૂળચંદજીએ બ્રહ્મચારી બનતા પહેલાં લગ્ન કર્યા હતાં. તેમના એક દીકરી મંજુલાબહેન પૂજ્ય તપસ્વી મહારાજ પ્રત્યે અનન્ય શ્રદ્ધા ધરાવે છે. તેમનાં લગ્ન ઝરિયાના મોદી પરિવારના શ્રી નગીનદાસ મોદી સાથે થયાં હતાં.
સાધુતાનું શિખર અને માનવતાની મહેંક 342
