________________
૧
अट्ठावय संमेए, चंपा पावाइ उज्जल नगेए; वंदित्ता पुण्णफलं, सयगुणिअं तंपि पुंडरीए. ॥६८॥ पूआ करणेण पुण्णं, एग गुणं सयगुणं च पडिमाए; जिण भवणेण सहस्सं, अणंतगुणं पालणे होइ. ॥६९।।
छत्तं झयं पडागं, चामर भिंगारन्हवण कलसाइं; बलि थालं सित्तुंजे, दितो विजाहरो होइ. ॥७०॥ वेयड्ढे अ गुणड्ढे, दुण्णवि सेढीण होइ सो राया;
रहदाणं दाऊणं, सेत्तुंजे तित्थठाणंमि. ॥७१।। जो चडई सित्तुंजे, अट्ठमी चाऊद्दसीए पन्नरसीए; दुण्हवि पक्खाण फलं, सो होइ परित्तसंसारी. ॥७२।।
नवकार पोरिसीए, पुरिमुड्ढेकासणे आयामे; पुंडरीयं च संभरंतो, फलकंखी जिणइ भवतिण्हं. ॥७३॥ छट्ठ ट्ठम दसम दुवालसाइं, मासद्ध मासखमणाई; तिगरण सुद्धो लहइ, सित्तुंजं संभरंतो अ. ॥७४॥ नारय रिसी तित्थफलं, सोऊण रिसीवराण कोडीए;
सम्मत्त लद्ध बुद्धी, आढत्तो चिंतिउं एवं. ॥७५।। भूमि सिजा वक्कल, नियंसणो मूलसाय फलभक्खी;
जूयाहिं सिरखद्धं, जडाकलावं वहन्तस्स. ॥७६।। निकारण कोह समिओ, परछिद्दाई मणेण चिंतंतो; पिसुणो नराणुकंपो, आसी अहं सयल लोअस्स. ॥७७॥ पिसुणत्तणेण अहियं, जुजंपि जणस्स य अपावस्स; लोए निद्दय मणसो, हरिसेण पणच्चिओ गयणे. ॥७८॥ एसो निग्घूणमणसो, आसी अहं माणुसंमि लोअंमि; इण्हं वच्चामि अहं, जिणोवइडेण मग्गेण. ॥७९॥
जह जह वेरग्गमणो, तह तह सुज्झंति नारयलेसा; सव्वं खवेइ कम्मं, इह भवियं अण्णभवियं च. ॥८॥ दिक्खाभिमुहो चलिओ, लोचं करेइ अप्पणो सीसे; उक्खणइ जडाभारं, पंचहिं मुट्ठीहिं सव्वंपि. ॥८॥
