________________
"श्रुतं कृतधियां सङ्गाज्जायते विनयः श्रुतात् । लोकानुरागो विनयान किं लोकानुरागतः ॥ १ ॥ " अत्र कारणमालाऽलङ्कारः प्रवर्त्तते ।
२७- मालादीपकम् - " उत्तरोत्तरं एकधर्मेण अनेकधर्मिणां सम्बन्धः मालादीपकमलङ्कारः ।" उदाहरणं यथा
" सङ्ग्रामाङ्गणमागतेन भवता चापे समारोपिते । देवाकर्णय येन येन सहसा यद्यत्समासादितम् ॥ कोदण्डेन शराः शरैररिशिरस्तेनाऽपि भूमण्डलं । तेन त्वं भवता च कीतिरतुला कीर्त्या च लोकत्रयम् ॥ १॥"
अत्र मालादीपकमलङ्कारो वर्त्तते ।
२८ - सारालङ्कारः- “उत्तरोत्तरमुत्कर्षो वस्तुनः सारालङ्कारः ।" उदाहरणं यथा
"काव्येषु नाटकं रम्यं, नाटकेषु शकुन्तलम् । तत्राऽपि चतुर्थोऽङ्कः, तत्र श्लोकचतुष्टयम् ॥ १॥" अस्मिन् श्लोके सारालङ्कारो वर्त्तते ।
२६ - परिसंख्याऽलङ्कारः - " प्रश्नादप्रश्नाद्वा तादृशस्यान्यस्य वस्तुनो निरासो भवेत् तदा परिसंख्याऽलङ्कारः ।”
साहित्यरत्नमञ्जूषा - २०४
