________________
तत्तो अ निरयपाला, भणंति रे ! अज्ज दूसहं दुक्खं । जइआ पुण पावाई, करेसि तुट्ठो तया भणसि ।।५।। नत्थि जए सव्वन्नू, अहवा अहमेव एत्थ सव्वविऊ । अहवा वि खाह पिअह, दिट्ठो सो केण परलोओ ? ।।६।। खंता पियंता इह जे मरंति, पुणो वि ते खंति पियंति राई । खुहाई तत्ता पुण जे मरंति, पुणो वि तप्पंति खहाई ते ऊ ।।७।। नत्थि अ पुण्णं पावं, भूअऽब्भहिओ अ दीसइ न जीवो । इञ्चाइ भणसि तइया, वायालत्तेण परितुट्ठो ।।८।। मंसरसंमि य गिद्धो, जइया मारेसि निग्घिणो जीवे । भणसि तया अम्हाणं, भक्खमिणं निम्मियं विहिणा ।।९।। वेयविहिया न दोसं, जण्णे अहिंस त्ति अहव जंपेसि । चरचरचरस्सतो फा-लिऊण खाएसि परमंसं ।।१०।। लावयतित्तिरिअंडय-रसवसमाईणि पियसि अइगिद्धो । इण्डिं पुण पुक्कारसि, अइदुसंह दुक्खमेयंति ।।११।। अलिएहिं वंचसि तया, कूडक्कयमाइएहिं मुद्धजणं । पेसुण्णाईण करे-सि हरिसिओ पलवसि इयाणिं ।। १२ । । तइआ खणेसि खत्तं, घायसि वीसंभियं मुससि लोयं । परधणलुद्धो बहुदे-सगामनगराई भंजेसि ।।१३।। तेण वि पुरिसयारे-ण विनडिओ मुणसि तणसमं भुवणं । परदव्वेणं विलसेसि, कुणसि पुक्कार किं पुणिण्हिं ? ।।१४।। मा हरसु परधणाई, सिक्खविओ भणसि धिट्ठयाए अ । सव्वस्स वि परकीयं, सहोअरं कस्स वि न दव्वं ।।१५।। तइया परजुवईणं, चोरियरमियाइं मुणसि सुहाई । अइरत्तो वि हु तासिं, मारसि भत्तारपमुहे अ ।।१६।। सोहग्गे ण य नडिओ, कूडविलासेहिं (?) कुणसि ताहिं समं । इण्हिं तु तत्ततंबय-डिउल्लियाणं पलाएसि ।।१७।। परकीयच्चिय भज्जा, भुजइ निअया उ माउभइणीओ ।
एवं च दुविअड्डत्त-गव्विओ वयसि सिक्खविओ ।।१८।। १. अस्ति सर्वास्वपि प्रतिष्वयं वर्णः, परमर्थसङ्गतिरस्याभावे एवेति मे मति : । *MEREKKHAREKKREKKREk २८ वैराग्यशतकम्
