Page Text
________________
સામર્થ્ય હોય છે. તેઓ આત્મરક્ષક દેવોને ડરાવીને રત્નો વગેરે ચોરે છે. દેવીઓ તેમને સજા કરે છે.
પછી અસુરો અને અપ્સરાઓની હકીકત જણાવી કહ્યું કે અનંતી ઉત્સર્પિણી ને અવસર્પિણી વિત્યા બાદ શ્રીઅરિહંતાદિના આશરાથી જ મહાદ્ધિવાળા અસુર દેવો ઊંચે જાય છે. અહીં શબર વગેરેની પણ બીના કહી છે. પછી ઊંચે જનારામાં ચમરેન્દ્રનો અધિકાર વર્ણવ્યો છે. તેનું રહસ્ય એ છે કે, તે પાછલા અનંતર ભવમાં જ જેબૂદ્વીપના ભરતક્ષેત્રમાં વિંધ્યગિરિની તળેટીમાં આવેલ વેભેલ ગામનો રહીશ પૂરણ નામનો ગૃહસ્થ હતો. તેણે દાનામાં નામની તાપસી પ્રવજ્યા લઈ ઉગ્ર તપ કરવા માંડ્યું. પારણાના સમયે ચાર ખાનાંવાળું એક ભાજન લઈ ભિક્ષા લેવા નીકળતો હતો. મળેલી ભિક્ષામાંથી વટેમાર્ગ વગેરેને દઈને પારણું કરતો હતો. બાર વર્ષો પછી અંતસમયે પૂરણ તાપસ પાદપોપગમન, અનશન વગેરે કરી ચમરેન્દ્ર થયો. આ વખતે પ્રભુ શ્રી મહાવીરના દીક્ષાના દિવસથી ગણતાં છદ્મસ્થ પર્યાયનાં ૧૧ વર્ષો વીત્યાં હતાં. શક્રેન્દ્રની ઋદ્ધિ જોઈને ચમરેન્દ્રને ઈર્ષ્યા થઈ. તે શ્રી મહાવીર પ્રભુનું શરણું લઈને ભયંકર રૂપ વિકુર્તી શક્રને ગાળો દેતો પહેલા દેવલોકમાં પરિઘ લઈને જતો બહુ જ તોફાનો કરવા લાગ્યો. તે જોઈ યંતરો ભાગવા લાગ્યા, ને
જ્યોતિષિકોના વિભાગ થયા. શક્રના આત્મરક્ષક દેવોને ત્રાસ ઉપજાવતો ઠેઠ શક્રની નજીક પહોંચી ગયો. અહીં દરવાજાના ખીલાને ઠોકવા લાગ્યો વગેરે તોફાનો જોઈને અને પોતાના દેવોને તેનાથી ભય પામતા જોઈને શકે તેને મારવા વજ છોડ્યું. તેથી ડરીને ચમરેન્દ્ર ભાગી પ્રભુ મહાવીરના પગમાં પડ્યો. ત્યારે સૌધર્મેન્દ્ર પ્રભુને જોઈને આશાતના ન થાય, એ રીતે છેટેથી વજને પકડીને પ્રભુને વાંદી માફી માગી, શ્રીવીરના પ્રભાવે ચમરેન્દ્ર બચી ગયો. આ બીના સુસમારપુરની બહાર પ્રભુ મહાવીર એકરાત્રિકી પ્રતિમા (કાઉસ્સગ્ગ)માં રહ્યા હતા તે સમયે બની હતી.
પછી શ્રીગૌતમે પૂછેલા પ્રશ્નના જવાબમાં પ્રભુએ પુગલની ગતિનું વર્ણન કરતા શક્રની અને ચમરેન્દ્રની ને વજની ગમનશક્તિ, તથા તે ત્રણેની ગતિની માંહોમાંહે તુલના ને તેમની ગતિનું કાળમાન જણાવ્યું. પછી અમરેન્દ્રને થયેલ શોક અને તે શોકના કારણના અને તે ચમરેન્દ્રના દેવસંબંધી પ્રશ્નોત્તરો, તથા ચમરની પ્રભુભક્તિ અને તેની સ્થિતિ (આયુષ્ય) અને તેની સિદ્ધિનું વર્ણન વિસ્તારથી કર્યું છે.
૬૬
શ્રી ભગવતીસૂત્ર-વંદના
| SR No. | 023139 |
| Book Title | Bhagwati Sutra Vandana |
| Original Sutra Author | N/A |
| Author | Pradyumnasuri, Kantibhai B Shah |
| Publisher | Shrutgyan Prasarak Sabha |
| Publication Year | 2001 |
| Total Pages | 178 |
| Language | Gujarati |
| Classification | Book_Gujarati |
| File Size | 14 MB |