Page Text
________________
બાળી નાખીશ.” અહીં વાણિયાનું દૃષ્યત જણાવીને કહ્યું કે હું તને નહિ બાળું. આનંદ મુનિએ આ વાત પ્રભુને કહી ત્યારે, “ગોશાલો તેજોલેશ્યા વડે બાળી ભસ્મ કરવા સમર્થ છે?” આ પ્રશ્નનો ઉત્તર દઈ પ્રભુએ આનંદ મુનિને કહ્યું કે “તું ગૌતમાદિ મુનિઓને કહે કે ગોશાલાની સાથે કોઈએ વાદવિવાદ કરવો નહિ.”
એટલામાં ગોશાલો આવી ભગવંતની આગળ ઉપાલંભસૂચક વચનો બોલવા લાગ્યો. ને હું તે તમારો શિષ્ય ગોશાલો નથી' વગેરે અસત્ય વચનો બોલવા લાગ્યો. તેમાં તેણે પોતાનું કલ્પિત સ્વરૂપ જણાવવાપૂર્વક પોતાનો મત કહેતા ચોરાશી લાખ મહાકલ્પનું પ્રમાણ તથા સાત દિવ્ય ભવાંતરિત સાત મનુષ્યના ભવો અને સાત શરીરમંતર પ્રવેશની હકીકત જણાવી. ત્યારે પ્રભુએ તેની કહેલી બીના અસત્ય જણાવીને કહ્યું કે તું તારા આત્માને છુપાવે છે. તે સાંભળી ગોશાલો ગુસ્સે થઈ પ્રભુને અછાજતાં વેણ કહેવા લાગ્યો, ત્યારે સર્વાનુભૂતિ મુનિનાં પણ સાચાં વેણ સાંભળતાં વધારે ગુસ્સે થઈ તેજોલેશ્યા મૂકી તેમને બાળી નાખ્યા. એ જ પ્રમાણે કહેતા સુનક્ષત્ર મુનિને પણ બાળી નાખ્યા. તેણે ત્રીજી વાર ગુસ્સે થઈ પ્રભુને મારવા તેજોવેશ્યા મૂકી. તે તેના જ શરીરમાં પેઠી. આ વખતે પ્રભુએ કહ્યું કે “તું તારા તપના તેજથી હેરાન થઈ છ મહિનામાં કાળ કરીશ.”
આમાં સાચું શું બનશે ? આ બાબતની શ્રાવસ્તી નગરીમાં વાતો થવા લાગી. સાધુઓએ પ્રશ્નો પૂછી પૂછીને તેને નિરુત્તર કર્યો. જ્યારે તે જવાબ ન દઈ શક્યો, ત્યારે તેનો મત ખોટો જાણી તેના કેટલાએક શિષ્યો પ્રભુનાં વચનો સ્વીકારી પ્રભુની પાસે રહ્યા. અહીંથી તે (ગોશાલો) હાલાહલા કુંભારણને ઘેર ગયો. (અહીં તેની તેજોવેશ્યાનું સામર્થ્ય જણાવ્યું છે, તેના આજીવિકા મતે પાનકના ને અપાનકના ચાર ચાર ભેદો જણાવતાં ૧. સ્થાલ પાણી, ૨. ત્વાચા પાણી, ૩. શીંગનું પાણી, તથા ૪. શુદ્ધ પાણીની બીના વર્ણવી છે. પછી આજીવિકમતનો ઉપાસક અલંપુલક ગોશાલાની પાસે આવ્યો, પણ તેની વિચિત્ર અવસ્થા જોઈને પાછો ફર્યો. ત્યારે તેના શિષ્યોએ સમજાવીને ફરી તેની પાસે મોકલ્યો. ગોશાલાએ તેના મનનું સમાધાન કર્યું. હવે અંત સમય જાણી તેણે શિષ્યોને કહ્યું કે મારા મૃતદેહને ધામધૂમ સાથે બહાર કાઢજો. પણ આ વખતે “હું જિન નથી' એમ તેણે સાચી બીના જણાવતાં તેને સમ્યકત્વ ગુણ પ્રગટ થયો. પ્રભુની આશાતના વગેરેનો પશ્ચાત્તાપ કરવા લાગ્યો. તેણે કહ્યું કે પ્રભુ ૧૨૦
શ્રી ભગવતીસૂત્ર-વંદના.
| SR No. | 023139 |
| Book Title | Bhagwati Sutra Vandana |
| Original Sutra Author | N/A |
| Author | Pradyumnasuri, Kantibhai B Shah |
| Publisher | Shrutgyan Prasarak Sabha |
| Publication Year | 2001 |
| Total Pages | 178 |
| Language | Gujarati |
| Classification | Book_Gujarati |
| File Size | 14 MB |