Page Text
________________
ઉ. ૯: નવમા ઉદ્દેશામાં બંધનો વિચાર વિસ્તારથી જણાવતાં તેના બે ભેદ કહીને ફરમાવ્યું કે ધર્માસ્તિકાયાદિનો અનાદિ વિશ્રસાબંધ છે. પછી સાદિબંધના ભેદો અને સ્થિતિ, અંતર અને અલ્પબહુત્વ કહ્યા છે. પછી વૈક્રિય, આહારક, તૈજસ અને કાર્યણબંધના ભેદો અને સ્વરૂપ તથા પ્રયોગબંધનાં કારણો તેમજ સ્થિતિ કહીને શરીરોના માંહોમાંહે બંધાદિને અંગે વિચારો જણાવ્યા છે. અંતે દેશબંધકાદિનું અલ્પબહુત્વ અને બંધછત્રીશી વર્ણવી છે.
ઉ. ૧૦ઃ દશમા ઉદ્દેશામાં અન્ય તીર્થિકો કહે છે કે એકલું શીલ જ શ્રેયસ્કર (કલ્યાણદાયક) છે.' તેનું ખંડન કરીને સત્ય બીના એ કહી કે મોક્ષની પ્રાપ્તિમાં શ્રુત અને શીલ બંને અસાધારણ કારણ છે. એટલે એ બેનો સાધક આત્મા જ મોક્ષને પામે છે. માટે જ કહ્યું છે કે શ્રુત-શીલવંત જીવો જ સર્વરાધક જાણવા. અહીં શીલસંપન્નપદની ને શ્રુતસંપન્નપદની ચઉભંગી અને દેશારાધકનું ને દેશવિરાધકનું તથા સર્વાંરાધકનું ને સર્વવિરાધકનું સ્વરૂપ જણાવ્યું છે. પછી આરાધકના ભેદો, જ્ઞાનારાધના ને દર્શનારાધનાની બીના જણાવતાં તેના જઘન્ય મધ્યમ ઉત્કૃષ્ટ ભેદો, અને તેનો માંહોમાંહે સંબંધ તથા ઘન્યાદિ ભેદે શાન-દર્શન-ચારિત્રના આરાધક જીવોના ભવની હકીકત સ્પષ્ટ સમજાવીને પુદ્ગલપરિણામના સ્વરૂપ, ભેદો તથા પુદ્ગલાસ્તિકાયની જરૂરી બીના કહી છે. પછી લોકાકાશના ને જીવના પ્રદેશો, તથા કર્મપ્રકૃતિ તેમજ તેની ચોવીશે દંડકોમાં હકીકત કહીને આઠે કર્મોના અવિભાગ પરિચ્છેદનું સ્વરૂપ અને તેનાથી નારકાદિના આત્મપ્રદેશોનું વીંટાવવું તથા દરેક કર્મનો એક બીજા કર્મની સાથે સંબંધ, તેમજ પુદ્ગલી બીના અને પુગલની નારકાદિ જીવોમાં ને સિદ્ધોમાં વિચારી છે.
શતક ૯
ઉ. ૧થી ૩૦ઃ આના ૩૪ ઉદ્દેશા છે. તેનો સંક્ષિપ્ત સાર આ પ્રમાણે જાણવો. ૧. પહેલા ઉદ્દેશામાં જંબૂદ્વીપના આકાર વગેરેનું વર્ણન કર્યું છે. ૨. બીજા ઉદ્દેશામાં અઢી દ્વીપમાં ને પુષ્કરોદ સમુદ્રમાં પ્રકાશ કરનાર ચંદ્રની હકીકત જણાવી છે. ૩. ત્રીજાથી ૩૦ ત્રીસમા સુધીના ૨૮ ઉદ્દેશાઓમાં ૨૮ અંતર્દીપોનું સ્વરૂપ વર્ણવ્યું છે.
ઉ. ૩૧ : એકત્રીસમા ઉદ્દેશામાં અશ્રુત્વા કેવલીનું સ્વરૂપ વિસ્તારથી જણાવતાં કહ્યું કે જેઓ કેવલજ્ઞાની વગેરેની દેશના સાંભળ્યા વગર કેવલજ્ઞાન શ્રી ભગવતીસૂત્ર-વંદના
૯૪
| SR No. | 023139 |
| Book Title | Bhagwati Sutra Vandana |
| Original Sutra Author | N/A |
| Author | Pradyumnasuri, Kantibhai B Shah |
| Publisher | Shrutgyan Prasarak Sabha |
| Publication Year | 2001 |
| Total Pages | 178 |
| Language | Gujarati |
| Classification | Book_Gujarati |
| File Size | 14 MB |