Page Text
________________
૪૯૩
પ્રા. ઉપદેશમાલાનો ગૂર્જરનુવાદ परतित्थियाण पणमण, उब्भावण-थुणण-भत्तिरागं च | सक्कारं सम्माणं, दाणं विणयं च वज्जेइ ।।२३७ ।। पढमं जईण दाऊण, अप्पणा पणमिऊण पारेइ । असई अ सुविहिआणं, भुंजेई कय-दिसालोओ ||२३८ ।। साहूण कप्पणिज्जं, जं नवा दिन्नं कहिं पि किंचि तहिं । धीरा जहुत्तकारी, सुसावगा तं न भुंजंति ।।२३९ ।। वसही-सयणासण-भत्त-पाण-भेसज्ज-वत्थ-पत्ताइ ।
जहवि न पज्जत्त-धणो थोवावि हु थोवयं देई ।।२४०।। ૧૨૮. શ્રાવકધર્મ વિધિનાં કર્તવ્યો
ઉત્તમ શ્રાવક જિનેશ્વરની પ્રતિમા સન્મુખ “ભક્તામર' વગેરે સ્તોત્રો તથા કાયોત્સર્ગ પછી બોલાતી સ્તુતિઓથી સવાર સાંજ અને મધ્યાહ્ન-સમયે ભાવથી વંદન તથા જિનચૈત્યોમાં ધૂપ, પુષ્પ અને સુગંધી ચૂર્ણોની પૂજા કરવામાં તત્પર બને છે. અગ્નિમાં સિદ્ધરસ પડવાથી મલિનતા સુવર્ણ બની જાય છે. તેમ મલિન આત્મામાં સિદ્ધરસ સરખો પૂજારસ રેડવામાં આવે તો આત્મા પણ સુવર્ણ સરખો નિર્મળ બની જાય છે. આવો પૂજારસ કેટલાક શ્રેષ્ઠ પુણ્યવંત આત્માઓને સિદ્ધ થાય છે. આ જિનશાસનમાં પૂજારસ જયવંતો વર્તે છે.
સર્વજ્ઞ ભગવંતે કહેલા અહિંસા-લક્ષણ ધર્મમાં અડોલ શ્રદ્ધાવાળા, વીતરાગ સર્વજ્ઞ સિવાય બીજા કોઇ અન્ય દેવને મોક્ષદાતા દેવાધિદેવ તરીકે ન માનનારો, તે માટે કહેલું છે કે, “જેને રાગાદિશત્રુ જિતનાર એવા જિનેશ્વર દેવ છે, અહિંસાદિ લક્ષણ સ્વરૂપ કૃપાવાળો ધર્મ છે, પાંચ મહાવ્રતધારી સાધુઓ ગુરુ છે, એવા શ્રાવકની કયો મૂઢબુદ્ધિવાળો પ્રશંસા ન કરે ?' રાગવાળા દેવ હોય, ગુરુ પણ ઘરબારી હોય, કૃપારહિત ધર્મ હોય તો ખેદની વાત છે કે આ જગત અજ્ઞાનતામાં નાશ પામ્યું છે.” પૂર્વાપર શાસ્ત્રવચનો જેમાં બોધ પામતાં હોય, યુક્તિ પણ જેમાં ઘટતી ન હોય, તેવાં કુશાસ્ત્રોમાં રાગ રાખનાર ન હોય. ત્રણસ્થાવર જીવોનું જેમાં મર્દન થાય, તેવા જુદા જુદા પ્રકારના શાક્ય, સાંખ્યમતવાળા -- અન્યમતના કુલિંગીઓને દેખીને સૂક્ષ્મ સર્વ જીવોનું રક્ષણ કરવાનું કહેનાર એવા જિનધર્મથી દેવો અને ઇન્દ્રોથી પણ ચલાયમાન ન થાય. તો પછી મનુષ્યોથી તે કદાપિ ચલાયમાન ન થાય. સાધુઓને મન, વચન, કાયાના યોગથી વંદન કરે, સંદેહવાળા પદાર્થો પૂછીને નિઃશંક થાય, હંમેશાં સાધુઓની ભક્તિથી સેવા કરે, તેમની સેવા કરવાથી પાપકર્મનો નાશ થાય
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |