Page Text
________________
પ્રા. ઉપદેશમાલાનો ગૂર્જરનુવાદ
૪૫૩ દાન આપવું, ગુરુની ભક્તિ કહેવાય છે. આ સર્વેમાં પણ ગુરુને વંદન કરવું તેની અધિકતા અને વિશેષતા કહેલી છે. જે માટે કહેલું છે કે – “કર્મને દૂર કરવાના પ્રયત્નવાળા એવા ગુરુજનને વંદના કરવી, પૂજા કરવી. તે દ્વારા તીર્થકર ભગવંતની આજ્ઞાનું એવા ગુરુજનને વિંદના કરવી, પૂજા કરવી, તે દ્વારા તીર્થંકર ભગવંતની આજ્ઞાનું પાલન અને શ્રુતધર્મની આરાધનારૂપ ક્રિયા થાય છે. તેમ જ નીચગોત્ર ખપાવે છે, ઉચ ગોત્ર ઉપાર્જન કરે છે, સૌભાગ્ય નામકર્મ બાંધે છે, જેની આજ્ઞા દરેક ઉઠાવે તેવું જનપ્રિયત્વ પ્રાપ્ત કરે છે. ત્યારે કૃષ્ણ કહ્યું કે, “હે ભગવંત ! હું પણ ઇન્દ્રિયોને દમનારા ક્ષાંતિ-(ક્ષમા) રાખનારા, શીલવંત અઢાર હજાર શીલાંગ ધારણ કરનારા, ઘોર તપશ્ચરણ કરનારા આપના સાધુઓને વંદના
વીરા સાલવી સાથે કૃષ્ણ દરેક સાધુઓને વંદના કરી. પ્રતિજ્ઞા-નિર્વાહ કરીને પ્રભુ પાસે પાછા આવ્યા. અતિઝળકતા વિજળીના સમૂહયુક્ત નવીનશ્યામ મેઘમાંથી જેમ જળ, તેમ કૌસ્તુભરત્નના કિરણથી પ્રકાશિત શ્યામ દેહમાંથી નીતરતા વેદ જળવાળા બે હાથરૂપ કમળની અંજલિ કરેલા કૃષ્ણ, ભગવંત આગળ બેસીને ફરી ફરી પ્રણામ કરીને પ્રફુલ્લિત થઈ કહેવા લાગ્યા કે, “હે ભગવંત ! ક્રોડો સુભટો સામસામે આથડતા હોય, મદોન્મત્ત હાથીઓના ચિત્કાર સંભળાતા હોય તેવા યુદ્ધમાં મને એટલો પરિશ્રમ નથી થયો કે, જેટલો મુનિ-ભક્તિ યોગે ઉલ્લાસાયમાન ભાવથી રોમાંચિત થએલા દેહવાળા, મુનિઓના ચરણ-કમલમાં વંદન કાર્યમાં તત્પર થએલા મનવાળા મને અત્યારે થયો છે. ત્યારે ભગવંતે કૃષ્ણને કહ્યું કે, “હે સુભટ ! આજે તે યુદ્ધ કરીને ચારિત્ર મહારાજાનું મહાફળ ઉપાર્જન કર્યું છે. વધારે શું કહેવું? પ્રથમ અનંતાનુબંધી નામના ચાર કષાયો, ત્રણ દર્શન મોહનીય-એમ મોહમહારાજાના સાત સુભટોનો તેં અત્યારે જ ખુરદો કાઢી નાખ્યો છે અર્થાત્ ક્ષય પમાડ્યા છે. દાઢ વગરના મહાવિષધર સર્પની જેમ મોહમહારાજા આ સુભટો વગર નિચ્ચે કંઇ પણ કરી શકવા સમર્થ નથી.
ખરેખર હવે તેં સમ્યક્તરૂપ રાજ્યાધિક રત્ન પ્રાપ્ત કર્યું છે. અત્યાર સુધી ચારગતિ સ્વરૂપ સંસારના ગહન જંગલમાં અથડાયા કરતો હતો, તેમજ હંમેશાં ચારિત્રરાજના સૈન્યથી ભ્રષ્ટ થએલો હતો. આ દુષ્ટ મોહરાજાના સુભટોએ જીવનું તત્ત્વભૂત સ્વરૂપ ઘેરી લીધું હતું, જેને તેં આજે હાર આપીને તારા આત્મામાં જ રહેલું એવું ક્ષાયિક સમ્યક્તરત્ન પ્રગટ કર્યું છે. (૨૫) આ સમ્યક્તની પ્રાપ્તિ થાય, તેને સમગ્ર મંગલના સમૂહો શાશ્વત સુખ-પર્ણ મોક્ષ નક્કી ત્રીજે ભવે પ્રાપ્ત થાય છે. બીજું મહા આરંભથી એકઠું કરેલું કર્મ તેં આજે જે સાતમી ભૂમિને યોગ્ય હતું, તે આ પ્રમાણે ત્રીજીએ લાવી નાખ્યું છે. આ સાંભળીને
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |