Page Text
________________
ઉપદેશમાલાની વ્યાખ્યા, વિવરણ, વૃત્તિ, અવસૂરિ, બાલાવબોધ ૨ચી અનેક વિદ્વાનોએ સમાજ ઉપર મહાન ઉપકાર કર્યો છે. પ્રસ્તુત વિશેષવૃત્તિ રચનાર રત્નપ્રભસૂરિએ (વાદી દેવસૂરિના શિષ્યરત્ને રસિક પ્રાકૃત, અપભ્રંશ કથાઓ રચી વિશેષ આકર્ષણ કર્યું છે, તેનું સંપાદન સુપ્રસિદ્ધ આગમોદ્ધારક યશસ્વી સદ્ગત્ આનંદસાગરસૂરિજીના શિષ્યરત્ન આ. શ્રીહેંમસાગરસૂરિજીએ આજથી ૧૭ વર્ષો પહેલાં સં. ૨૦૧૪ માં કર્યું હતું, તેનો ગૂજરાતી અનુવાદ પણ વિદ્યાવ્યાસંગી એ જ આચાર્ય શ્રીહેમસાગરસૂરિજીએ લોકોપકાર માટે રચેલ છે, જે હાલમાં પ્રકાશિત થાય છે. તેમના બીજા અનુવાદો - (૧) પ્રા. કુવલયમાલા કથા, (૨) પ્રા. સમરાદિત્ય-મહાકથા, (૩) સવિવરણ સં. યોગશાસ્ત્ર, (૪) પ્રા. ચોપન્ન મહાપુરુષચરિત્ર, (૫) પ્રા. પઉમચરિય-જૈનમહારામાયણ, (૬) પ્રા. ઉપદેશપદ-અનુવાદ વગેરેની જેમ આ (૭) પ્રા. ઉપદેશમાલા-વિશેષવૃત્તિનો અનુવાદ પણ લોકપ્રિય થશે-અનુવાદ વગેરેની જેમ આ જિજ્ઞાસુ ગૂજરાતી વાચકોને વિશિષ્ટ સમ્યજ્ઞાન આપવામાં સહાયક થશે, આધ્યાત્મિક ઉચ્ચ પ્રકારની પ્રેરણા આપનાર થશે-સત્કર્તવ્યો કરવા સદ્બોધ આપશે. રસિક કથાનકોમાંથી પણ ઉત્તમ બોધ મળી રહેશે-તેવી આશા છે.
અનુવાદક પૂ. આ. મહારાજ શ્રીહેમસાગરસૂરિજીએ તેમના છેલ્લા ૬ મહાગ્રંથોમાં મને સહસંપાદક તરીકે યશોભાગી બનાવ્યો છે, તે માટે હું કૃતજ્ઞ છું. છેલ્લા આ ગ્રંથના સંશોધન માટે પાલીતાણા પહોંચવાનું મારે માટે અકસ્માતની અસરે અશક્ય થવાથી અહિં રહીને યથાશક્ય કર્તવ્ય બજાવ્યું છે.
આ ગ્રન્થના વાચન-મનન-પરિશીલનથી વાચકોને આત્મહિતની કર્તવ્યબુદ્ધિ પ્રકટો, શેયને જાણી, હેય-ત્યાગ કરવા યોગ્યનો ત્યાગ કરી, ઉપાદેય-ગ્રહણ ક૨વા યોગ્યને ગ્રહણ કરી, સમ્યગ્દર્શન-જ્ઞાન-ચારિત્રમય મોક્ષમાર્ગને આરાધવા ઉદ્યમવંત થઇ શાશ્વત સિદ્ધિસુખને પ્રાપ્ત કરનાર થાઓ મૂલ ગ્રંથ રચનારનો, વ્યાખ્યાકારનો, અનુવાદકનો, સંપાદકનો, પ્રકાશકનો પ્રયત્ન સફલ થાઓ-એ જ શુભેચ્છા.
21
સં. ૨૦૩૧ ચૈત્ર શુદિ ૨
વડીવાડી, રાવપુરા, વડોદરા (ગુજરાત) સદ્ગુણાનુરાગી
લાલચંદ્ર ભગવાન ગાંધી
(નિવૃત્ત "જૈન પંડિત' વડોદરા-રાજ્ય)
| SR No. | 023128 |
| Book Title | Updeshmala Doghatti Bhavanuvad |
| Original Sutra Author | N/A |
| Author | Ratnatrayvijay |
| Publisher | Ranjanvijay Jain Pustakalay |
| Publication Year | 2013 |
| Total Pages | 664 |
| Language | Gujarati |
| Classification | Book_Gujarati |
| File Size | 19 MB |