________________
रायपसेणियसुत्त इमट्टियं पविरलपप्फुसिय रयरेणुविणासणं दिव्वं सुरभि गंधोदयवासं वासह । वासित्ता निहयस्य नटुरयं भट्टरय उवसंतग्यं पसंतरय करेह । करित्ता जलथलयभासुरप्पभूयस्स बिटट्ठाइस्स इसद्धवण्णस्स कुसुमस्स जाणुस्सेहंपमाणमित्त ओहिं वासं वासह । वासित्ता कालागुरुपवरकुंदुरुक्कतुरुक्कध्वमघमघंतगंधुदयाभिरामं सुगंधवरगंधियं गंधवट्टिभूयं दिव्यं सुरवराभिगमणजोगं करेह, कारवेह । करित्ता, य कारवेत्ता य खिप्पामेव (मम ) एयमाणत्तियं पच्चप्पिणह” । - ८ तए णं ते आभियोगिया देवा रियाभेणं देवेणं एवं वुत्ता समाणा हट्ट तुट्ट जाव हियया करयलपरिग्गहियं (दसनह) सिरसावत्तं मत्थए अंजलिं कट्ट “एवं देवो तह" त्ति आणाए विणएण वयणं पडिसुणंति । “एवं देवो तह ” त्ति आणाए विणएण वयणं पडिसुणेत्ता उत्तरपुरस्थिमं दिसिभागं अवकमंति। उत्तरपुरस्थिमं दिसिभागं अवक्कमित्ता वेउब्धियसमुग्धारण समोहणंति। २ संखेजाई जायणाई दंडं निस्सरति । तं जहा--- ___ रयणाण, वयराणं, वेरुलियाणं, लोहियक्खाणं, मसारगल्लाणं, हंसंगम्भाणं, पुग्गलाणं, सोगंधियाणं, जोइरसाणं, अंजणपुलगाणं, अंजणाणं, रययाणं, जायरूवाणं, अंकाणं, फलिहाणं, रिहाणं अहाबायरे पुग्गले परिसाउंति । २ अहासुहुमे पुग्गले परियायति । २ दोच्चं पि वेउव्वियसमुग्याएणं समोहणति । २ उत्तरवेउधियाई रूवाई विउव्वति । २ ताए. उकिट्टाए ( पसत्थाए) तुरियाए चवलाए चंडाए जयणाए सिग्याए उध्दयाए दिवाए देवगईए तिरियमसंखेजाणं दीवसमुदाणं मझं मज्झेणं वीईवयमाणे २ जेणेव जंबुद्दीचे दीवे, जेणेव भारहे वासे, जेणेव आमलकप्पा नयरी, जेणेव अबसालवणे चेइय, जेणेव समणे भगवं महावीरे,
