________________
रायपसेणियसुत्त ६ तए णं तस्स सूरियाभस्स इमे एयारूवे अभथिए चिंतिए मणोगए संकप्पे समुपजित्था
___ "एवं (सेयं ) (मे) खलु समणे भगवं महावीरे जंबुद्दीवे दीवे भारहे वासे आमलकप्पानयरीए बहिया अबसालवणे चेइए अहापडिरूवं उम्गह उम्गिण्हित्ता संजमेणं तवसा अप्पाणं भावेमाणे विहरइ । तं महाफलं खलु तहारूवाणं भगवंताणं नामगायस्सवि सवणयाए किमंग पुण अहिगमणवंदणनमंसणपडिपुच्छणपज्जुवासणयाए ? । किमंग पुण एगस्सवि आयरियस्स धम्मियस्स सुवयणस्स सवणयाए? । किमंग पुण विउलअट्ठस्स गहणयाए ? । तं गच्छामि गं समणं भगवं महावीरं वदामि नमसामि सक्कारेमे सम्मामि कल्लाणं मंगलं चेइयं देवयं पज्जुवासामि । एयं मे पेच्चा हियाए सुहाए खमाए निस्सेयसाए आणुगामियत्ताए भविस्सइ" त्तिकट्ट एवं संपेहेइ । एवं संपेहित्ता आभियोगिएदेवे सहावेइ । २ एवं वयासी । __ ७ “ एवं खलु देवाणुप्पिया! समणे भगवं महावीरे जंबुद्दीवे दीवे भारहे वासे आमलकप्पाए नयरीए बहिया अंबसालवणे चेहए अहापडिरूवं उग्गहं उम्गिणिहत्ता संजमेणं तवसा अप्पाणं भावेमाणे विहरइ । तं गच्छह गं तुब्भे देवागुप्पिया! जंबुद्दीवं दीवं भारहं वासं आमलकप्पं नयरिं अंबसालवणं चेइयं समणं भगवं महावीरं तिक्खुत्तो आयाहिणपयाहिणं करेह । करेत्ता वंदह नमसह । वंदित्ता नमंसित्ता साइं साई नामगोयाई साहेह । साहित्ता समणस्स भगवओ महावीरस्स ( सबओ समंता) जोयणपरिमंडलं जं किंचि तणं वा पत्तं वा कटुं वा सकरं वा असुई अचोक्खं वा पूरअं दुन्भिगंध सवं आहुणिय आहुणिय एगते एडह । एडेत्ता नच्चोदगं ना.
