________________
६४
रायपसेणियसुत्त
जिल्लवत्तव्वया सा चेव सव्वा पुरथिमिल्ले दारे दाहिणिल्ला खंभपंती तं चेव सव्वं । जेणेव उत्तरिल्ले मुहमंडवे जेणेव उत्तरिल्लस्स मुहमंडवस्स बहुमज्झभाए, तं चेव सवं । पच्चथिमिल्ले दारे तेणेव° उत्तरिल्ले दारे° दाहिणिल्ला खंभपंती, सेसं तं चेव सवं, जेणेव सिद्धाययणस्स उत्तरिल्ले दारे तं चेव, जेणेव सिद्धाययणस्स पुरथिमिल्ले दारे तेणेव उवागच्छइ। २ तं चेव, जेणेव पुरथिमिलले मुहमंडवे, जेणेव पुरथिमिल्लस्स मुहमंडवस्स बहुमज्झदेसभाए तेणेव उवागच्छइ । २ तं चेव, पुरस्थिमिल्लस्स मुहमंडवस्स दाहिणिलले दारे, पञ्चस्थिमिल्ला खंभपंती, उत्तरिल्ले दारे तं चेव, पुरथिमिल्ले दारे तं चेव, जेणेव पुरथिमिल्ले पेच्छाघरमंडवे, एवं थूभे जिणपडिमाओ चेइयरुक्खा महिंदज्झया नंदापुक्खरिणी तं चेव जाव धूवं दलेइ, २ जेणेव सभा सुहम्मा तेणेव उवागच्छइ । २ सभं सुहम्म पुरथिमिल्लेणं दारेणं अणुपविसइ, २ जेणेव माणवए चेइयखंभे, जेणेव वइरामए गोलवट्टसमुग्गे तेणेव उवागच्छइ । २ लेामहस्थगं परामुसइ, २ वइरामए गोलवट्टसमुग्गर लोमहत्थेणं पमजइ, २ वइरामए गोलवट्टसमुग्गए विहाडेइ, २ जिणसकहाओ लामहत्थेणं पमजइ, २ सुरभिणा गंधोदएणं पक्खालेइ । २ अग्गेहि वरेहिं गंधेहि य मल्लेहि य अच्चेइ, धूवं दलयइ । २ जिणसकहाओ वइरामएसु गोलवट्टसमुग्गए पडिनिक्खिवइ, माणवर्ग चेश्यखभं लोमहत्थएणं पमजइ, दिव्वाए दगधाराए° सरसेणं गोसीसचंदणेणं चच्चए दलयइ, पुष्फारुहणं जाव धूवं दलयइ । जेणेव सीहासणे तं चेव, जेणेव देवसयणिज्जे त चेव, जेणेव खुड्डागमहिंदज्झए तं चेव, जेणेव पहरणकासे चोप्पालए तेणेव उवागच्छइ । २.लोमहत्थग परामुसइ, २ पहरणकासं चाप्पालं
