________________
रायपसेणियसुत्त वहरामए अक्खाडए, जेणेव मणिपेढिया, जेणेव सीहासणे, तेणेव उवागच्छइ । २ लोमहत्थग परामुसइ, २ अक्खाडगं च मणिपेढियं सीहासणं च लोमहत्थएणं पमजइ । २ दिवाए दगधाराए जाव सरसेणं गोसीसचंदणेणं सच्चए दलयइ, पुष्फारुहणं जाव आसत्तोसत्तं जाव धूवं दलयइ। २ जेणेव दाहिणिल्लस्स पेच्छाघरमंडवस्स पञ्चस्थिमिल्ले दारे तं चेव, उत्तरिल्ले दारे तं चेव, (जं चेव) पुरथिमिल्ले दारे तं चेव, दाहिणणिल्ले दारे तं चेव, जेणेव दाहिणिल्ले चेइयथूभे तेणेव उवागच्छइ । २ थूभं च मणिपेढियं च° दिवाए दगधाराए अभुक्खइ । सरसेण गेासीसचंदणेण चच्चए दलेइ २ पुप्फारुहणं आसत्तोसत्त जाव धूवं दलेइ । जेणेव पञ्चस्थिमिल्ला मणिपेढिया, जेणेव पञ्चथिमिल्ला जिणपडिमा तं चेव, जेणेव उत्तरिल्ला जिणपडिमा तं चेव सन्वं, जेणेव पुरथिमिल्ला मणिपेढिया जेणेव पुरथिमिल्ला जिणपडिमा, तेणेव उवागच्छइ २ तं चेव, दाहिणिल्ला मणिपेढिया दाहिणिल्ला जिणपडिमा तं. चेव, जेणेव दाहिणिल्ले चेयरुक्खे तेणेव उवागच्छइ । २ तं चेव, जेणेव महिंदज्झए, जेणेव दाहिजिल्ला नंदापुक्खरिणी तेणेव उवागच्छइ । लोमहत्थगं परामुसइ, तोरणे य तिसोवाणपडिरूवए सालभंजियाओ य वालरूवए य लोमहत्थएण पमजइ, दिव्वाए दगधाराए° सरसेणं गोसीसचंदणेणं° पुष्फारुहणं° आसत्तोसत्तं° धूवं दलयइ । सिद्धाययणं अणुपयाहिणीकरेमाणे जेणेव उत्तरिल्ला नंदापुक्खरिणी तेणेव उवागच्छइ, २ त चेव जेणेव उत्तरिल्ले चेइयरुक्खे तेणेव उवागच्छइ, जेणेव उत्तरिल्ले चेइयथूभे तहेव, जेणेव पञ्चस्थि. मिल्ला पेढिया, जेणेव पञ्चस्थिमिल्ला जिणपडिमा, ते चेव, उत्तरिल्ले पेच्छाघरमंडवे तेणेव उवागच्छइ । २ जा चेव दाहि
