________________
३६
रायपसेणियसुत्त
रीतु दो दा पुष्फपडलगाई जाव लामहत्थपडलगाई सन्चरयणामयाई अच्छाई जाव पडिरूवाई । तेसिं थे तोरणाणं पुरओ दो दो सीहासणा पन्नत्ता। तेसिं गं सीहासणाणं वण्णओ जाव दामा । तेसिं गं तोरणाणं पुरओ दो दो रुप्पमया छत्ता पन्नत्ता। ते छत्ता वेलियविमलदंडा जंबूणयकण्णिया वरसंधी मुत्ताजालपरिगया अट्टसहस्सवरकंचणसलागादहरमलयप्तुगंधी सम्वोउयसुरभी सीयलच्छाया मंगलभत्तिचित्ता चंदागारोवमा । तेसिं णं तोरणाणं पुरओ दो दो चामराओ पन्नत्ता। ताओ णं चामराओ चंदप्पभवेरुलियवरनाणामणिरयणवचियचित्तदंडाओ) नाणामणिकणगरयणविमलमहरिहतवणिज्जुजलविचित्तदंडाओ वल्लियाओ संखंककुंददगरयअमयमहियफेणपुंजसन्निगासाओ सुहुमरययदीहवालाओ सन्वरयणामयाओ अच्छाओ जाव पडिरूवाओ । तेसिं णं तोरणाणं पुरओ दो दो तेल्लसमुग्गा काट्ठसमुग्गा पत्तसमुग्गा चोयगसमुग्गा तगरसमुग्गा एलासमुग्गा हरियालसमुग्गा हिंगुलयसमुग्गा मणेासिलासमुग्गा अंजणसमुग्गा सघरयणामया. अच्छा. जाव पडिरूवा । - ३० सूरियाभे णं विमाणे एगमेगे दारे अट्टसयं चक्कझयाणं अट्ठसय मियज्झयाणं गरुलज्झयाणं छत्तज्झयाणं पिच्छन्झयाणं सउणिज्झयाणं सीहज्झयाणं उसहज्झयाणं अट्ठसयं सेयाणं चउविसाणाणं नागवरकेऊणं एवामेव सपुचावरेणं सूरियाभे विमाणे एगमेगे दारे असीई केउसहस्सं भवइ त्ति अक्खायं । सूरियाभे विमाणे पन्नर्दि पन्नट्टि भेगमा पन्नत्ता । तेसि णं भामाणं भूमिभागा उल्लोया य भाणियब्वा । तेसिं णं भोमाणं च बहुमज्झदेसभाए पत्तेयं
