________________
२०
रायपणियसुत्त वंद नमसह । २ एवं वयासी-“अहं गं भंते सूरियाभे देवे देवाणुप्पियाणं वंदामि नमसामि जाव पञ्जुवासामि"। ...
१८ सूरियाभा इ समणे भगवं. महावीरे सूरियाभं देवं एवं वयासी-"पोराणमेयं सूरियाभा! जीयमेयं सूरियामा !, किञ्चमेयं सूरियाभा ! करणिजमेयं सूरियाभा! आइण्णमेयं सूरियाभा! अम्भणुण्णायमेयं सूरियाभा! जे णं भवणवइवाणमंतरजाइसवेमाणिया देवा अरहंते भगवंते वंदति नमसंति, वंदित्ता नमंसित्ता, तओ पच्छा साइं साई नामोत्ताई साहिति, तं पोराणमेयं सूरियामा : जाव अब्भणुनायमेयं सूरियाभा!"।
१९ तए णं सूरियाभे देवे समणेणं भगवया महावीरेणं एवं वुत्ते समाणे हट जाव समणं भगवं महावीरं वंदइ नमसंह २ नचासन्ने नाइदरे सुस्सूसमाणे नमसमाणे अभिमहे विणयेणं पंजलिउडे पज्जुवासइ।
२० तए णं समणे भगवं महावीरे सूरियाभस्स देवस्स तीसे य महइमहालियाए परिसाए जाव परिसा जामेव दिसि पाउन्भूया तामेव दिसि पडिगया ।
२१ तए णं से सूरियाभे देवे समणस्स भगवओ महावीरस्स अतिए धम्म सेोच्चा निसम्म हटतुट्र जाव हयहियए उठाए उट्रेड । २ समणं भगवं महावीरं वंदइ नमसइ। २ एवं वयासी “अहं णं भंते ! सूरियाभे देवे किं भवसिद्धिए अभवसिद्धिए ? सम्मट्टिी मिच्छदिट्टी ? परित्तसंसारिए अणंतसंसारिए ? सुलभबाहिए दुलभबाहिए ? आराहए विराहए ? चरिमे अचरिमे ?" सूरियामा इ समणे भगवं महावीरे सूरियाभं देवं एवं वयासी-"सूरियामा ! तुमं णं भवसिद्धिए, नो अभवसिद्धिए जाव चरिमे, नो अचरिमे" ।
