________________
रायपसेणियसुत्त पडिजागरमाणे २ जेणेव साहम्मकप्पस्स उरिल्ले निजाणमग्गे तेणेव उवागच्छइ । २ जोयणसयसाहस्सिएहि विगहेहिं ओवयमाणे वीईवयमाणे ताए उक्किट्ठाए जाव तिरियमसंखिजाणं दीवसमुदाणं मज्झमझेणं वीईवयमाणे २ जेणेव नंदीसरवरदीवे, जेणेव दाहिणपुरच्छिमिल्ले रइयरपव्वए, तेणेव उवागच्छइ २ तं दिव्वं देविड़ि जाव दिव्वं देवाणुभावं पडिसाहरेमाणे २ पडिसंखेवेमाणे २ जेणेव जंबुद्दीवे दीवे, जेणेव भारहे वासे, जेणेव आमलकप्पा नयरी, जेणेव अंबसालवणे चेइए, जेणेव समणे भगवं महावीरे, तेणेव उवागच्छद । २ समणं भगवं महावीरं तेणं दिवेणं जाणविमाणेणं तिक्खुत्तो आयाहिणं पयाहिणं करेइ । २ समणस्स भगवओ महावीरस्स उत्तरपुरच्छिमे दिसिभाए तं दिव्वं जाणविमाणं ईसिं चउरंगुलमसंपत्तं 'धरणियलंसि ठवेइ । २ चउहिं अग्गमहिसीहिं सपरिवाराहिं दोहिं अणीयाहिं, तं जहा-गंधवाणीएण य नट्टाणीएण य सद्धिं संपरिखुडे ताओ दिवाओ जाणविमाणाओ पुरच्छिमिल्लेणं तिसोवाणपडिरूवएणं पञ्चोरूहइ । तए णं तस्स सूरियाभस्स देवस्स चत्तारि सामाणियसाहस्सीओ ताओ दिव्वाओ जाणविमाणाओ उत्तरिल्लेणं तिसोवाणपडिरूवएणं पच्चारुहंति । अवसेसा देवा य देवीओ य ताओ दिवाओ जाण - विमाणाओ दाहिणिल्लेणं तिसोवाणपडिरूवएणं पञ्चोरुहति । तए णं से सूरियाभे देवे चउहिं अग्गमहिसीहिं जाव सोलसहि आयरक्खदेवसाहस्सीहिं अन्नेहिं य बहूहिं सूरियाभविमाणवासीहिं वेमाणिएहिं देवेहिं देवीहिं य सद्धिं संपरिवुडे सविडीए जाव नाइयरवेणं जेणेव समणे भगवं महावीरे तेणेव उवागच्छह । २ समर्ण भगवं महावीरं तिक्खुत्तो आयाहिणं पयाहिणं करेह । २
