________________
રામાયણમાં સંસ્કૃતિનો સંદેશ” પાપના વાહકો અભિશાપરૂપ
જે માણસ પોતાના પાપ બીજામાં ફેલાવે છે તેને હું પાપોના Conductors (વાહકો) કહું છું. આવા માણસો રક્તપરિયા જેવા છે. જેમ રક્તપત્તિયો માણસ પોતાના રોગના જંતુઓ બીજામાં સંક્રાંત કરે છે. તે જ રીતે આવા માણસો પોતાના પાપ બીજામાં સંક્રાંત કરે છે. આવા લોકો સમાજ માટે ખરેખર ભયંકર પૂરવાર થયા નથી શું?
જે લોકો માસુમ કક્ષાના બાળકોમાં પોતાના પાપ સંસ્કાર અને વિકારો ફેલાવે છે એ આ જગત માટે અભિશાપરૂપ નથી શું?
દીકરાને અન્યાય શીખવતો બાપ!!
વર્તમાનકાળમાં B. Com. કે B. S. C. ભણેલા દીકરાને બાપ વેકેશનમાં દુકાને બેસાડે છે. અને બાપની ગેરહાજરીમાં છોકરો ન્યાયી રીતે વેચાણ કરે તો બાપ ગુસ્સે થાય છે.
છોકરાએ કોઈને માલ વેચ્યો હોય તો બાપ પૂછે છે: “બેટા! કોણ માલ લેવા આવ્યું હતું?” છોકરો કહેઃ “અમુક મિલના શેઠ આવ્યા હતા. અને મીટર દીઠ પાંચ ટકા ચડાવીને માલ આપ્યો છે. તે વખતે બાપા કહે કે :
ઓ મૂરખા ! આ વેપારી તો કરોડપતિ હતો. એને તો બરાબર લૂંટવો જોઈએ.” એ વખતે કદાચ દીકરો એમ કહેઃ “બાપા આપણાથી અન્યાય અનીતિ કેમ થાય?” એ વખતે આજના પિતા શું કહે કે, “મૂરખ ! આ માટે મેં તને બી.કૉમ. ભણાવ્યો હતો ?”
કેમ આ વાત બરાબર છે ને? જે ભણતર અનીતિ કરવા માટે જ હોય તો એ ભણતરમાં ય ધૂળ પડી. આજનો પિતા પુત્ર પાસે ભણ્વીને પોતાની અનીતિનો ચેપ તેને લગાડતો હોય, તો એ સાચો પિતા છે શું? તમે તમારા દીકરાઓને તમારા કુસંસ્કારોના ચેપ કદી લગાડશો નહિ.
આંખના ચેપ કરતાં ભયંકર પાપોનો ચેપ
આ કુસંસ્કારોનો ચેપ ચાલે છે. જેમ આંખના રોગનો ચેપ ચાલે છે અને જેને રોગ થયો હોય તેની સામે તમે જુઓ એટલે તમને ય રોગ થાય એવું બને છે ને? આ ચેપ કરતાં ય અન્યાય, અનીતિ વગેરેનો ચેપ–જેને હું પાપના “વાયરસ' કહું છું તે–અતિ ભયંકર છે.
