________________
૬૬
કર્મસ્તવનામા દ્વિતીય કર્મગ્રંથ જવાબ– ૮મા ગુણઠાણાના જેટલા સમયો છે એટલા સમયમાં પ્રતિસમયે અનંતગુણ વિશુદ્ધિ વધતી જાય છે. માટે આઠમાના છઠ્ઠા ભાગ સુધીના અધ્યવસાયો-સાતમા ભાગ જેટલા વિશુદ્ધ નથી. તેથી ૩૦ પ્રકૃતિના બંધના કારણરૂપ બને તેવા કષાયયુક્ત અધ્યવસાયસ્થાનો છઠ્ઠા ભાગ સુધી છે. માટે ત્યાં સુધી જ ૩૦ પ્રકૃતિઓ બંધાય. આગળ બંધને યોગ્ય કાષાયિક પરિણામ વિશેષ વિશુદ્ધિ હોવાથી ન હોય. માટે ન બંધાય.
૧ થી ૭ ગુણસ્થાનક સુધી જ્યારે જીવ એક ગુણસ્થાનક છોડીને બીજા ગુણસ્થાનકને પ્રાપ્ત કરે છે ત્યારે જે જે કર્મપ્રકૃતિનો બંધ વિચ્છેદ થાય છે તે તે કર્મપ્રકૃતિનો બંધ વિચ્છેદ તે તે ગુણઠાણાને અંતે કહ્યો છે, પરંતુ આઠમા ગુણસ્થાનકમાં વચ્ચે વચ્ચે જ વિશુદ્ધિ વધવાથી કેટલીક કર્મપ્રકૃતિનો બંધવિચ્છેદ થાય છે એટલે આઠમા ગુણસ્થાનકમાં ક્યાં કેટલી પ્રકૃતિનો બંધવિચ્છેદ થાય છે તે સમજવા માટે આઠમા ગુણસ્થાનકનો જે અંતર્મુહૂર્તકાળ છે તેના બંધને આશ્રયી ૭ ભાગ કરવામાં આવ્યા છે.
પ્રથમ ભાગે પ૮ બંધાય છે. પ્રથમ ભાગના અંતે નિદ્રા અને પ્રચલાનો બંધવિચ્છેદ થવાથી ૨ થી ૬ ભાગ સુધી પ૬ પ્રકૃતિઓ બંધાય છે. કારણકે નિદ્રાદ્ધિકના બંધને યોગ્ય અધ્યવસાય આઠમા ગુણઠાણાના પ્રથમ ભાગ સુધી છે. બીજા આદિ ભાગોમાં ત~ાયોગ્ય અધ્યવસાય ન હોવાથી નિદ્રાદ્ધિક બંધાય નહીં.
આઠમા ગુણઠાણાના બીજા ભાગથી ૬ઠ્ઠા ભાગ સુધી પ૬ પ્રકૃતિઓ બંધાય છે. ૬ઠ્ઠા ભાગના ચરમ સમયે દેવદ્ધિક (દેવગતિ-દેવાનુપૂર્વ) પંચેન્દ્રિય જાતિ, શુભવિહાયોગતિ, યશનામ વિના ત્રસનવક ઔદારિક શરીર વિના ૪ શરીર અને ૨ અંગોપાંગો, સમચતુરસ્ત્ર સંસ્થાન, નિર્માણનામકર્મ, તીર્થંકર નામકર્મ, વર્ણચતુષ્ક, અગુરુલઘુ ચતુષ્ક એમ કુલ ૩૦ પ્રકૃતિઓનો બંધ વિચ્છેદ થાય છે. એટલે ૮માં ગુણઠાણાના સાતમા ભાગે ર૬ પ્રકૃતિઓનો બંધ થાય છે.
