________________
૩૯
રાજમતી અને રથનેમિ લજ્જાથી અને આપની સદ્દવૃત્તિના પ્રવાહ બળથી હું બળાત્કારે જ આપને સૌન્દર્યમૂતિ કરતાં અન્ય સ્વરૂપે જોઈ શકું છું. મારા આત્માને એક અંશ આપના પ્રત્યે પૂજ્ય બુદ્ધિથી ડોકિયા કરી રહ્યો છેછતાં તેનું સામર્થ્ય કોઈ મહા બળવાન સત્તાથી પરાભૂત થયેલું અનુભવાય છે. તે સત્તા પણ આ આત્માને જ કઈ અંશ છે, અને તે અંશ આપના દેહમાં વહેતા લાલ રક્તને જ પૂજનાર છે. તે બે સત્તાઓને મહા સંગ્રામ અત્યારે આ આત્માના સમરાંગણમાં મચી રહ્યો છે. કદી લોક નિંદાને ભય તથા આપની સવૃત્તિનો પ્રવાહ મારા ઉપર વહેતો આ ક્ષણે બંધ થાય તો આપના રક્તને પૂજનારે અંશ વિજયવાન થયા વિના રહે નહીં. - રાજમતી: ઉદારચિત્ત મુનિ! એજ નિવેદન હું તમારા મુખથી ઇચ્છતી હતી. જ્યારે એ કાજળથી લીંપાયેલા અંતઃકરણના આગાર ખુલ્લા મૂકવામાં આવે છે ત્યારે સુકાઈને તેના પડ ખરી પડે છે. કે નિકટ ભવી આત્માઓ જ છૂપુ રાખવાની વૃત્તિને પરાભવ કરી શકે છે. જે વાસનાઓ ગુપ્તપણે અને જગતથી અપ્રકટપણે બંધ આગારમાં સેવાય છે તે જ દુશ્મનનું કામ કરે છે. ત્યારે જુઓ ! હવે ખુલ્લા દિલથી, તમારું મન કબૂલ રાખે તેમ, મારા પ્રશ્નોને મને ઉત્તર દેજે.
રથનેમિઃ બેલે સતી ! હું કશું છુપાવીશ નહીં. રાજમતીઃ તમને આ સૌન્દર્ય ઉપર મોહ છે, કેમ ખરુંને? રથનેમિઃ ખરું.
રાજમતી અને તમારું દિલ ત્યાંથી પ્રયત્ન કરવા છતાં ઊખડી શકતું નથી?
રથનેમિક એમ જ. રાજમતી: વારુ, એ સૌન્દર્ય શી વસ્તુ છે?
