________________
૪૭
તેમનો આહાર અનિયત હોય છે. ધાન્યમાં રસકસની હાનિ થવાથી આહારનું પ્રમાણ ઘણું વધી જાય છે. - પાંચમા આરાના અંતપર્યત એટલે ૨૧ હજાર વર્ષ સુધી ભગવાન મહાવીરદેવનું શાસન ચાલવાનું છે. તેમાં અનેકવાર શાસનની ચડતી-પડતી થવાની છે. લોકેના હદયમાં ઉત્તરોત્તર કૅધ, માન, માયા, લોભ એ ચારેય કષાયની વૃદ્ધિ થશે. આહાર, નિદ્રા, ભય, મૈથુન, પરિગ્રહ આદિ સંજ્ઞાઓનું જેર પણ ખૂબ વધતું જશે. લોકોમાં પરસ્પર કલેશ, કંકાસ, મારામારી આદિનું પ્રમાણ વધશે. વિષયાસક્તિ ખૂબ વધી જશે. કુલીન સ્ત્રીઓ પણ શિયળભ્રષ્ટ થશે. હીનકુળમાં જન્મેલા માણસે રાજા થશે ને ઉત્તમકુળમાં જન્મેલાઓને તેમનું દાસપણું કરવું પડશે. રાજાઓ યમ જેવા કર બનશે. ધમરસિક જીવને જન્મ હીનકુળમાં થશે. લોકે લોભી, લાલચૂ , કંજૂસ, અને નિર્દય થશે. હિંસાની વૃદ્ધિ થશે. શુદ્ર જતુઓની ઉત્પત્તિ દિનપ્રતિદિન વધતી જશે. દુઃકાળ ઘણું પડશે. મત-મતાંતરો અને મિથ્યામતો ફાલશે ફૂલશે. લોકે સત્વહીન બનશે સંયમીઓને કષ્ટ પડશે ને પાખંડીઓની પૂજા વધશે. વિનય, વિવેક, ક્ષમા, દયા, સરળતા, સદાચાર આદિ ગુણોની ઉત્તરોત્તર હાનિ થશે અને દેશની વૃદ્ધિ થશે. આવા કપરા કાળમાં પણ આરાધક આત્માઓ અનેક કષ્ટો વેઠીને જિનશાસનને ઠેઠ પાંચમા આરાના અંત સુધી જયવંતુ રાખશે.
