________________
જૈનધર્મ અને માંસાહાર પરિહાર આમ લિપિ અજ્ઞાનતા ઉપરાંત લેખન દોષને કારણે લહિયાઓને હાથે પણ આવી ગરબડો ઊભી થઈ હોય તે તે અસંભવિત નથી લાગતી. આમ છતાં જે કંઈ બચ્યું છે, પરંપરાએ જળવાયું છે તેમ જ આવી બધી ગરબડ ઊભી થવાનાં કારણે, મૂળ આધારે તેમ જ એને અનુરૂપ પુરાવાઓ જ્યાં ત્યાં છૂટક છૂટક વેરાયેલા પડ્યા હોઈ એ બધાને આધારે મૂળરહસ્ય આજ પણ શોધી
શકાય છે. ૨૧. એથી આશા રાખું છું કે મેં કરેલા બાલિશ પ્રયત્નની ભૂમિકા
પર જ જે કઈ શાસ્ત્રોમાં ઊંડી ડૂબકીઓ મારશે એને ઉમદા રત્નોની પ્રાપ્તિ સાથે આ પ્રશ્નને હલ કરવાની યા વિશેષ સ્પષ્ટતા કરવાની ભરપુર સામગ્રી મળી રહેશે. આથી ભારે પ્રયત્ન તો
કેવળ દિશા સૂચન કરવા પૂરતું જ છે. ૨૨. આમ હોવા છતાં હું ફરી ભારપૂર્વક જણાવું છું કે આ ગૂઢ
ભેદને મૂળ ઇતિહાસ ભુલાઈ જવાથી સૂક્ષ્મ અહિંસા ધર્મની સાથોસાથ પતિત મુનિઓના ઉદ્ધારની વાત જોડાઈ જવાથી મૂલ આચાર ધર્મ વિષે શંકા-કુશંકાઓની ગરબડ ઊભી થઈ ગઈ છે, અને એને કારણે આપણે વર્ષો સુધી ભારે કુસ્તી જંગ ખેલ્યો છે. પણ છેવટ તે મૅચ ડ્રોમાં જ પરિણમી છે. કારણ કે બંને પિતપોતાનો જ વિજય શંખ ફૂક્યાં કરતાં હતા જેથી કઈ કઈને પરાસ્ત કરી શક્યું નથી.
એકની પાસે અર્થ પરંપરાનું શસ્ત્ર હતું, જ્યારે બીજા પાસે શબ્દોને આધાર હતો. પણ જે બંનેએ એક બીજાનાં દૃષ્ટિબિંદુને સમજવા પ્રયત્ન કર્યો હોત તો આ સમસ્યા આટલી બધી ગૂંચવાઈ જઈ ગહન કેયડો ન બની જાત.
