________________
પ્રકાશકનું નિવેદન
આ પુસ્તકમાં પ્રસિદ્ધ કરવામાં આવેલા મનનીય લેખ પૂ. પરમ શાસનપ્રભાવક, વ્યાખ્યાનવાચસ્પતિ આચાર્યદેવ શ્રીમદ્ વિજયરામચંદ્રસૂરીશ્વરજી મહારાજના શિષ્યરત્ન પૂ. મુનિરાજ શ્રી ભદ્રંકરવિજયજી મહારાજે અમારા ઉપર અનુગ્રહ કરીને લખી આપેલા છે. અમારા ભાગ્યોદયે તેઓશ્રીનું ગત ચાતુર્માસ અમારા ગામમાં થવાથી, અમને, અમારા કુટુંબને તથા અમારા ગામના સંઘને અપૂર્વ ધાર્મિક ફાયદો થયો છે. પૂ. મહારાજશ્રીની છત્રછાયા નીચે અમારા ઘરમાંથી શ્રી અઠ્ઠાવીસ લબ્ધિ તપ તથા શ્રી અક્ષયનિધિ તપ થવા ઉપરાન્ત, અમારા ચિ. ભાઈ કાન્તિલાલ તથા ચિ. માણેકલાલ વિગેરે, કે જેઓ હાઈસ્કૂલમાં અભ્યાસ કરે છે, તેમણે શ્રી ઉપધાન તપ પણ કર્યો છે તથા સમ્યગૂ જ્ઞાનાદિકના અભ્યાસ માટે પણ યથાશક્તિ પ્રયાસ કર્યો છે.
અમારાં ધર્મપત્નિ સૌભાગ્યવતી ચંપાબાઈ, કે જેમણે શ્રી પંચમી તપ તથા શ્રી એકાદશી તપનું આરાધન પૂર્ણ કર્યું છે, તે તપના ઉધાપન નિમિત્તે આ પુસ્તક ભેટ આપવા માટે તૈયાર કર્યું છે.
તપના ઉદ્યાપન નિમિત્તે સમ્યગજ્ઞાનની ભક્તિ કરવાનો વિચાર અમને ઘણા વખતથી હતા. પૂ. મહારાજશ્રીને તે સંબંધી વાત કરતાં, તેઓશ્રીએ ફરમાવ્યું કે “પ્રાચીન પૂર્વાચાર્યવિરચિત ઘણા ગ્રન્થ હાલ છપાયા વિના રહ્યા છે, તેમાંથી કોઈ સારા ગ્રન્થને પસંદ કરી છપાવવામાં આવે તો મહાન લાભ થાય.” અમને પણ તે વાત પસંદ આવી, પરંતુ હાલ અમારે મેટું ખર્ચ કરવાની અભિલાષા નહિ હોવાથી, વર્તમાન જમાનામાં ભગવાન શ્રી જિનેશ્વરદેવના અવિચ્છિન્ન પ્રભાવશાળી શાસન પ્રત્યે જડવાદના પ્રભાવે લોકોની ઘટતી જતી શ્રદ્ધા સ્થિર થાય તેવું થોડુંક સાહિત્ય લખી આપવાની વિનંતિ કરી. તેના પરિણામે તેઓએ પ્રસંગસર પિતાના અભ્યાસ માટે સ્વપરને ઉપયોગી થાય તેવા કેટલાક લેખે નિપાણીના ચાતુર્માસ દરમ્યાન લખ્યા હતા તે અમને બતાવ્યા
