________________
ભાવ મંગલ
૧૭ :
સર્વ વિનામાં પ્રધાન વિનય સ્વરૂપ બની જાય છે.
પ્રધાન વિનય ગુણના પાલનથી પ્રધાન (યથાર્થ) જ્ઞાન, પ્રધાન (તાત્વિક) દર્શન, પ્રધાન (શ્રેષ્ઠ) ચારિત્ર અને પ્રધાન (અવ્યાબાધ) સુખની પ્રાપ્તિ થાય છે.
શ્રી પંચ પરમેષ્ઠી ભગવંતને નમસ્કાર સ્વરૂપ, પ્રધાન વિનય ગુણના પાલન વિનાનું જ્ઞાન, ધ્યાન કે સંયમ, સર્વપ્રધાન મોક્ષ આપવાને સમર્થ થઈ શકતું નથી.
ગુણ બહુમાન શ્રી પંચ પરમેષ્ઠી નમસ્કાર એ જેમ પ્રધાન વિનય ગુણના પાલન સ્વરૂપ છે, તેમ ગુણોના બહુમાન સ્વરૂપ પણ છે.
ગુણ બહુમાન એ ચિત્તની અચિન્ય શક્તિયુક્ત ધર્મ છે. ગુણ બહુમાનના આશયવાળું ચિત્ત થોડા જ સમયમાં સર્વ પ્રકારની અશુદ્ધિ અને અહંકારાદિ દોષથી, રહિત બની જાય છે.
કાચી માટીના ઘડામાં ભરેલું પાણી જેમ પ્રતિ ક્ષણ ઘટને નાશ કરનારું થાય છે, તેમ ચિત્તરૂપી કુંભમાં રહેલું ગુણ બહુમાનરૂપી જળ, ચિત્તના દોષ અને મલિનતાને પ્રતિ ક્ષણ ક્ષય કરનારું થાય છે.
ગુણ બહુમાનને ધારણ કરનાર માનસિક ભાવ જેમ અચિત્ય પ્રભાવસંપન્ન છે, તેમ ગુણ બહુમાનને
