________________
મંત્ર, મૂતિ અને પૂજા આત્માના શુદ્ધ સ્વરૂપનું દર્શનાદિ કરે છે, તેનો લાભ ચતુવિધ શ્રી સંઘને નિરંતર મળે છે. અર્થાત બધાની આત્મજાગૃતિ કાયમ રહે છે.
પૂજા વખતે પ્રણિધાન મૂર્તિના દર્શન વખતે ચતુવિધ શ્રી સંઘની પ્રત્યેક વ્યક્તિ, ચતુર્વિધ શ્રી સંઘ વતી દર્શનાદિ કરે છે તેને લાભ ચતુર્વિધ શ્રી સંઘને નિરંતર મળે છે. તેનું કારણ – અમારા વતી દર્શનાદિ કરે એવી પરસ્પરને કહેવાની સામાચારી સાધુ-શ્રાવકની કહેલી છે.
એ સામાચારીના બળથી સાધુ-શ્રાવકના શુદ્ધ આત્માનું પ્રણિધાન દર્શનાદિ વડે નિત્ય થતું હોય છે. તેનાથી ચતુવિધ શ્રી સંઘનું સૌભાગ્ય વધતું રહે છે. ભાવ-આરોગ્ય, ધૃતિ, મતિ, કીર્તિ, બુદ્ધિ, લક્ષ્મી, મેધાદિની નિત્ય વૃદ્ધિ થાય છે. પુત્ર, મિત્ર, નેત્ર, કલત્ર અને સર્વત્ર લોકમાં શાન્તિ, તુષ્ટિ, પુષ્ટિ થયા કરે છે.
શાન્તિ એટલે કલેશની નિવૃત્તિ. તુષ્ટિ એટલે સંતોષવૃત્તિ, પુષ્ટિ એટલે સંતોષાદિજનિત સુખની વૃદ્ધિ.
પ્રતિષ્ઠિત મૂર્તિની પૂજાનું આ મહત્ત્વ હોવાથી પ્રતિષ્ઠા મહોત્સવાદિની ઉજવણીમાં ઉલ્લાસની વૃદ્ધિ સ્વાભાવિક બને છે. સર્વના સુખની વૃદ્ધિ થાય તેવા અનુષ્ઠાનમાં સર્વની પ્રસન્નતા વધે જ.
