________________
હોંકારકલ્પત આ દેવીની અર્ચના કરવામાં અનુરક્ત એટલે દેવીની. વિવિધ ઉપચારથી પૂજા કરવામાં આનંદ માનનાર અને તેમાં મગ્ન રહેનાર. અહીં દેવીની આરાધનાનો વિષય છે, એટલે દેવીને નિર્દેશ કર્યો છે, પણ તત્ત્વથી તે મંત્રદેવતા જ ગ્રહણ કરવાના છે. તાત્પર્ય કે મંત્રારાધકે મંત્રદેવતાની સેવા-પૂજા નિત્ય-નિયમિત કરવી જોઈએ અને તેમાં આનંદ પામવો જોઈએ. જે મંત્રારાધક ત્યાગી હોય, સાધુ હોય તો તેણે ભાવપૂજા કરવી યોગ્ય છે અથવા તે માત્ર વાસક્ષેપથી પૂજા કરીને સંતોષ માનવાનો છે.
મંત્રના આરાધકે રેજ જિનભક્તિ-જિનપૂજા કરવી આવશ્યક છે, કારણ કે તે મહામંગલરૂપ છે અને તેનાથી ચિત્તને પ્રસાદ પ્રાપ્ત થતાં મંત્રારાધના બહુ સારી રીતે થઈ શકે છે. જેને જિનેવર દેવ પ્રત્યે શ્રદ્ધા-ભક્તિ નથી, તેને કોઈ પણ શાસનદેવ-દેવીની આરાધના ફલદાયી થઈ શકતી નથી.
કેઈ એમ કહેતું હોય કે શ્રી જિનેશ્વર દેવ તે વીતરાગ છે, તે કંઈ ફળ આપવાના નથી; જ્યારે શાસનદેવ કે દેવી ફળ આપનાર છે, તો તેમની સેવાભક્તિ જ વિશેષ પ્રકારે કેમ ન કરવી? તે તે ભીંત ભૂલે છે. શાસનદેવ-દેવીઓ શ્રી જિનેશ્વર દેવના સેવકે છે, ભક્તો છે અને તે જ્યારે એમ જાણે છે કે અમુક વ્યક્તિ શ્રી જિનેશ્વરદેવની અનન્ય ભક્તિ કરે છે, ત્યારે તેની ભક્તિથી પ્રસન્ન થઈને તેઓ સહાય કરે છે.
