________________
-૨૬૮
[ જિનપાસના
શ્રી જિનેશ્વરદેવના સમવસરણ પ્રસંગે દેવતાઓ સહુથી પ્રથમ સંવર્તક આદિ વાયુ વડે ભૂમિને શુદ્ધ કરે છે, પછી તેના પર સુગધી જળને છંટકાવ કરે છે અને તેના પર પંચરંગી પુની વૃષ્ટિ કરે છે. તે એટલા જ માટે કે તે સ્થાન પવિત્ર બને. તે પછી આપણે મનુષ્ય એમનાં પગલે ચાલીને દેવમંદિરને-પૂજાસ્થાનને બને તેટલાં પવિત્ર, રમણીય અને આકર્ષક કેમ ન બનાવીએ ?
ગૃહમંદિરને-ઘરેદહેરાસરને પણ બને તેટલું રમણીય અને આકર્ષક બનાવવું જોઈએ અને તેની શુદ્ધિ તરફ પૂરતું લક્ષ આપવું જોઈએ.
સંઘમંદિરે બનતાં સુધી રમણીય અને આકર્ષક બનાવવામાં આવે જ છે, તથા તેમાં પૂજારી વગેરેની સગવડ એકંદર સંતોષકારક હોય છે, તેથી તેમાં શુદ્ધિ સારા પ્રમાણમાં જળવાઈ રહે છે, આમ છતાં પૂજા કરવા જનારે તે તરફ ખાસ લક્ષ રાખી અશુદ્ધિનું કોઈ પણ કારણ જણાય તો તેને દૂર કરીને પછી જ પૂજામાં પ્રવૃત્ત થવું જોઈએ. આ કામ તે પૂજારીનું–નાકરનું છે, એમ માનીને તેના તરફ ઉપેક્ષા કરીએ તો દેશના ભાગી બનાય છે. ખરી રીતે તો પૂજાને લગતું દરેક કામ આપણે જ કરવાનું છે. પૂજારી તેમાં સહાયક થાય, એટલું જ. પણ આજે તે બધું કામ પૂજારીને ભળાવી આપણે ઝટપટ પૂજા પતાવી ચાલ્યા જવાની મને દશા ધરાવીએ છીએ, જે કઈ રીતે ઉચિત નથી. આપણે પ્રભુપૂજા-દેવપૂજા આપણું પોતાના
