________________
૨૬૧
ચતુર્થસ્તુતિકુયુક્તિનિર્ણયછેદનકુમાર नवकारेण जहन्ना दंडगथुईजुयलमज्झिमा नेया । उक्कोसा चीवंदण सक्कत्थय पंच निम्माया ॥१॥ तत्थ नवकारो सीसनमणमेत्तं पंचंगपणिवाओ वा अहिगयजिणस्स गुणथुईरूवसिलोगाइरूवो वा नमोक्कारो तेण जहण्णा चीवंदणा होइ तहा दंडगो सक्कत्थयरूवो थुई य थुत्तरूवा एएण जुगलेण मज्झिमा चीवंदणा अहवा दंडगो अरहंतचेइयाणं करेमि काउस्सग्गं इच्छाइ तओ काउस्सग्गं अट्ठोस्सासं काउं पारिय एगा थुई दिज्जई पणिहाणगाहाओ य मुत्तासुत्तीए पढिज्जंति इत्थमवि मज्झिमा हवई अहवा इरियावहियं पडिक्कमिय वत्थं तेण भूमिं पमज्जिय तत्थ वामजाणुं अंचिय दाहिणजाणुं धरणितले साहद्दु जोगमुद्दाए सिलोगाइरूवनमोक्कारं पढिय नमोत्थुणं इच्चाइ पणिवायदंडगं भणिय पच्छा पमज्जिय उट्ठिय जिणमुदं विरइय अरहंतचेइयाणं ति ठवणारिहंतत्थयदंडगं पढिय अट्ठोस्सासं काउस्सग्गं करिय अरिहंतनमोक्कारेण पारिय अहिगयजिणत्थुई दाउं लोगस्स उज्जोयगरे इच्चाइ नामारिहंतत्थयदंडगं पढित्ता सव्वलोए अरिहंत चेइयाणं ति दंडगं भणिय तहेव उस्सग्गे कए पारिए य सव्वजिणथुई दिज्जई तओ पुक्खरवरदीवड्ढे इच्चाइ सुयस्स भगवओ करेमि काउस्सग्गं वंदणवत्तियाए इच्चाइ भणिय तहेव उस्सग्गे कए पारिए य सिद्धंतथुई दिज्जई तओ सिद्धाणं बुद्धाणं इच्चाइ सिद्धत्थयं पढिऊण वेयावच्चगराणं इच्चाइ भणितु तहेव उस्सग्गे कए पारिएय सरस्सईकोहंडिमाइं वेयावच्चगराणं थुई दिज्जईइत्थ पढमचउत्थथुईओ नमोऽर्हत्सिद्धा. इच्चाइ भणिऊणं दिज्जंति इत्थीओ य एयं न भणंति तओ जाणूहि ठाउं जोडियहत्थो सक्कत्थयदंडगं भणित्तु पंचंगपणिवाएकए जावंति चेइयाइं इच्चाइ गाहं पढित्ता खमासमणं दाउं जावंत केवि साहू इइ गाहं भणिय नमोऽर्हत्सिद्धा इच्चाइ पढिय जोगमुद्दाए महाकविरइयं गंभीरत्थं
