________________
૫૪
ચતુર્થસ્તુતિકુયુક્તિનિર્ણયછેદનકુઠાર तित्थयरे भगवंते जगजीववियाणाए तिलोएगुरु । जो न करेइ पमाणं न सो पमाणं सुअहराणं ॥१॥ तित्थयरेहि कयमिणं गणहराणं तु तेहि सीसाणं । तत्तो परम्परेणं आगयमिण तेण जीयन्तु ॥२॥ इह लोगंमि अकित्ती परलोए दुग्गए धुवा तेसिं । आणं विणा जिणाणं जे ववहारं ववहरन्ति ॥३॥ इह लोगंमि विकित्ती परलोए सो गई तेसिं । आणाए जिणंदाणं जे ववहारं ववहरन्ति ॥४॥ श्रीनिशीथचूर्णौ । आणाई जिणंदाणं न हु बलियतराउ आयरियआणा । जिणाणाए परिभावो एवं गव्वो अ विणउ य ॥१॥ अथ श्रीओघनिर्युक्तौचोयगवयणं आणा, आयरियाणं तु खंडिया तेण । साहम्मिय कज्जपभूय याए सुचिरेण वि न गच्छे ॥१॥ तित्थयराणा चोयग दिटुंतो गामभोइयनरवइणा । जत्तुग्गयभोइय दंडिए य घरदारपुव्वकए ॥२॥ रन्नो तणघरकरणं सचित्तकम्मं च गामसामिस्स, दुण्हंपि दंडकरणं, विवरीयत्तेणुवणउय ॥३॥ जह नरवइणो आणं, अइक्कमंता पमायदोसेणं । पावंति बंधबहरोहछिज्जयमरणा वसाणाइं ॥४॥ तह जिणवराइ आण अइक्कम ता पमायदोसेणं । पावंति दुग्गइपहे विणिवायसहस्सकोडीओ ॥५॥
