Page Text
________________
પ્રકાશકીય
બે વર્ષ પૂર્વે અમેરિકાની યાત્રા દરમ્યાન શ્રી મહેશભાઈ તથા હંસાબહેન શાહનો પરિચય થયો. તેમની ભાવના અને જિજ્ઞાસા અદ્ભુત છે. વિદેશની ધરતી ઉપર રહીને પણ ધર્મ પ્રત્યેની શ્રદ્ધા અને ભક્તિ અકબંધ જોઈ, તેથી આનંદ થયો. તેમણે પ્રથમ ગણધર ભગવંત ગૌતમસ્વામી વિશે જાણવા અને તેમનો પરમાત્મા સાથેનો સંવાદ સાંભળવાની ઇચ્છા પ્રદર્શિત કરી. ચરમતીર્થંકર પરમાત્મા મહાવીરના પ્રથમ ગણધર શ્રી ગૌતમસ્વામીનું જીવન પ્રેરણાદાયક અને ભાવિક જીવોને ઉર્બોધિત કરનાર છે. આ ચરિત્ર તો સર્વજન સુપ્રસિદ્ધ છે. પરંતુ આગમ ગ્રંથોમાં તેમના પૂછાયેલા પ્રશ્નો અને જવાબો તાત્ત્વિક અને સૈદ્ધાત્તિક ઉચ્ચ કોટિના છે. તેનો પરિચય થાય તો સમ્યક્ત નિર્મળ થાય. મિથ્યાત્વનો નાશ થાય. ધર્મ પ્રત્યેની શ્રદ્ધા જાગૃત થાય અને પરમાત્મા પ્રત્યે જીવન ભક્તિમય, દિવ્ય બની જાય. તેથી આ પ્રશ્નોત્તરનો પરિચય તેના પ્રથમ ચરણરૂપે પરમાત્માની અંતિમદેશના એટલે કે ઉત્તરાધ્યયન સૂત્રના ચાર અધ્યયનો-ચતુરંગીય અધ્યયન, દ્રુમપત્રક અધ્યયન, કેશીગૌતમીય અધ્યયન અને સમ્યક્ત પરાક્રમ અધ્યયનનો સંગ્રહ કરી તેમાં આવતી કથાઓ અહીં પ્રસ્તુત કરવામાં આવી છે. અંતે ગૌતમપૃચ્છા નામના ગ્રંથમાં ગૌતમસ્વામી એ પૂછેલા પ્રશ્નો અને શ્રી પરમાત્માએ આપેલા જવાબોનો સંગ્રહ પણ કરવામાં આવ્યો છે. આ લઘુ ગ્રંથ દરેક મુમુક્ષુ જીવોને ઉપયોગી થશે તેની આશા છે. આ ગ્રંથમાં લેવામાં આવેલ ચાર અધ્યાયનો અનુવાદ ગ્રંથમાંથી લેવામાં આવેલ છે તે માટે અનુવાદક શાસ્ત્રી જેઠાભાઈ હરિભાઈ ભાવનગરવાળા તથા પંન્યાસપ્રવરશ્રી વજસેનવિજયજીનો આભાર માનીએ છીએ. આ પ્રકાશન કરવા માટે શ્રી મહેશભાઈ તથા વિનોદભાઈ તરફથી આર્થિક સહયોગ પ્રાપ્ત થયો છે તે બદલ તેઓશ્રીના અમે આભારી છીએ. તથા આ ગ્રંથ તૈયાર કરવા માટે શારદાબેન ચિમનભાઈ એજયુકેશનલ રિસર્ચ સેન્ટરના કર્મચારી વર્ગનો સહયોગ મળ્યો છે. તેનો પણ વિશેષ આભાર માનીએ છીએ.
– જિતેન્દ્ર બી શાહ
| SR No. | 022842 |
| Book Title | Vardhaman Mahavir Ane Indrabhuti Gautam |
| Original Sutra Author | N/A |
| Author | Jitendra B Shah |
| Publisher | Shrutratnakar |
| Publication Year | 2007 |
| Total Pages | 218 |
| Language | Gujarati |
| Classification | Book_Gujarati |
| File Size | 16 MB |