________________
પોદ્ગલિક સુખના હેતુથી અહિંસાની વાતો કરાય છે અને એવી વાતો કરનાર જાણે અહિંસાના માર્ગને હું જ સમજ્યો છું.' એવો ભાવ વ્યક્ત કરે છે. આમ છતાં, ભગવાન શ્રી જિનેશ્વરદેવોના શાસનને અનુસરવાની વાતો કરનારાઓ પૈકીના આત્માઓ પણ, આજે એ કહેવાતી અહિંસાની પૂંઠે પાગલ બન્યા છે. આવા સંયોગોમાં તો મિથ્યા લોકવાદથી ખૂબ જ સાવધ બન્યા રહેવું જોઈએ.
રાગતા યોગે શ્રીરામચંદ્રજીની દુર્દશા અહીં તો શ્રીમતી સીતાજી નહિ મળવાથી આશા શૂન્ય બનેલા શ્રી રામચંદ્રજી, લોકો દ્વારા શ્રીમતી સીતાજીના ગુણોને આગળ કરીને વારંવાર નિાતા થકા, અયોધ્યાનગરીમાં આવ્યા. અયોધ્યામાં આવીને તેમણે શ્રીમતી સીતાજીના મૃતકાર્ય કર્યું. તેમની આંખો આંસુઓથી ઉભરાઈ રહી હતી અને સઘળું જ તેમને કાં તો શ્રીમતી સીતામય લાગતું હતું અને કાં તો શૂન્યવત્ લાગતું હતું. શ્રીરામચંદ્રજીના હૈયામાં એક માત્ર શ્રીમતી સીતાજીની ધૂન હતી. તેમની આંખો જ્યાં ને ત્યાં શ્રીમતી સીતાજીના પડછાયા જોયા કરતી હતી. તેમની જીભ સીતા, સીતા’ સિવાય કશું જ બોલતી નહોતી. એમને એમ થતું હતું કે, સીતા ક્યાંક છે, પણ તે ક્યાં છે તેની તેમને ખબર નહોતી.
શ્રીમતી સીતાજીના વિયોગથી ઉત્પન્ન થયેલો આ સત્તાપ કેટલો કારમો છે ? વિવેકી એવા પણ શ્રીરામચંદ્રજી, રાગના યોગે જ, ઘેલછા અનુભવી રહ્યા છે. આવા વખતે આયુષ્યનો બંધ પડી જાય તો? રાજર્ષિ પ્રસન્નચંદ્ર કેવળ માનસિક વિચારણાના પ્રતાપે સાતમી નરક જવાને યોગ્ય સ્થિતિને પામ્યા હતા. અપ્રશસ્ત રાગ-દ્વેષ ખૂબ જ ભયંકર છે. અપ્રશસ્ત રાગ-દ્વેષની જેટલી આધીનતા, તેટલી પાયમાલી, જુઓ કે, ત્રણ ખંડનું સામ્રાજ્ય જેની પાસે છે, એવા શ્રીરામચંદ્રજી પણ અપ્રશસ્ત રાગના પ્રતાપે કારમી વિટંબણા ભોગવી રહા છે.
.સાચા સેવકો આદર્શ સીતાજીનો સંદેશ....૪
(૮૧
