________________
સાધ્વી સીતાજીનું દર્શન, વન્દન અને ચિત્તા
૧૦
શ્રી જયભૂષણ કેવળીની દેશના પછી શ્રમણી પરિવારમાં શ્વેતવસ્ત્રોથી સજ્જ સાધ્વી શ્રી સીતાના દર્શન કરતાં શ્રી રામચન્દ્રજી આદિ ભાવવિભોર બની જાય છે, તેઓને નતમસ્તકે વંદના કરે છે, શ્રી રામચન્દ્રજીને ક્ષણવાર તો શિરીષ પુષ્પ જેવા કોમળ અંગવાળા સીતાજી કઠિન સાધુ જીવન કેમ પાળશે તેની ચિંતા થાય છે. પણ ક્ષણવારમાં જ રાવણ જેવો પણ જેના સતીવ્રતનો ભંગ નથી કરી શક્યો તે જરુર સંયમની પ્રતિજ્ઞાનો નિર્વાહ કરશે એવા વિશ્વાસપૂર્વક વંદના કરીને જાય છે.
ક્રમશઃ કૃતાન્તવદનમુનિ દેવલોકમાં જાય છે ને સીતા સાધ્વી અચ્યતેન્દ્ર તરીકે ઉત્પન્ન થાય છે, પછી તો લક્ષ્મણજીના અઢીસો પુત્રોની દીક્ષા, ભામંડલનું મૃત્યુ, હનુમાનજીની દીક્ષા, તે વખતે શ્રીરામનું હાસ્ય, શ્રી ઈન્દ્રમહારાજાની ટીકા આદિ ઘટનાઓ બને છે,
જે આ પ્રકરણમાં પ્રસ્તુત છે.
૨૨૫
