________________
સભા : નાજી પણ..
પૂજ્યશ્રી : આવા પ્રશ્નો ઉઠે છે એ સૂચવે છે કે આ સાંભળવાના પરિણામે જેવી અસર થવી જોઈએ તેવી થઈ નથી. વળી જેવી થવી જોઈએ તેવી અસર નહિ થવા બદલ દુ:ખ થવાને બદલે, આઘાત લાગવાને બદલે, આવી વાતો કરવાનું મન થાય તો એ આપણી કારમી અયોગ્યતા છે એમ સમજવું જોઈએ. પૂર્વભવના વૃત્તાન્તોને શ્રદ્ધાપૂર્વક સાંભળવા સાથે વિવેકપૂર્વક વિચારવામાં આવે, તો એના બળે આત્મામાં સંવેગ આદિ ભાવો પેદા થવા, એ બહુ મોટી વાત નથી એ જ કારણ છે કે, કેવળજ્ઞાની પરમર્ષિનાં વચનોનું શ્રવણ કરવાથી ઘણા આત્માઓ સંવેગભાવને પામ્યા.
સુંદર ભાવજીવન પામવાની તાલાવેલી જોઈએ કોઈપણ આત્મા પ્રત્યે થઈ ગયેલો રાગ અગર તો દ્વેષ પરભવોમાં પણ કેવી રીતે સંગાથી બને છે, તેમજ એક ભવમાં શુદ્ધ ભાવપૂર્વક આચરેલું સુકૃત્ય કેવી રીતે ભવપરંપરાને સુધારી દે છે,એ વગેરે વાતનો સૌ કોઈએ વિચાર કરવો જોઈએ. લવણ અને અંકુશ મુનિવરને એકવાર ભક્તિપૂર્વક વહોરાવવાના પ્રતાપે કેવી કેવી સુંદર દશાને પામ્યા ? વસુદત્ત અને શ્રીકાન્તના જીવ વચ્ચે એકવાર ગુણવંતીના કારણે વૈર ઉત્પન્ન થઈ ગયું, તો તે કેટલા ભવો સુધી પહોંચ્યું ? ધનદત્તને એકવાર મુનિવર મળી ગયા અને તે ધર્મનો ઉપાસક બની ગયો, તો ક્રમશ: તેની કેવી સુંદર અવસ્થા થઈ ? બાલબ્રહ્મચારિણી બની રહીને અનંગસુંદરીએ ઉગ્ર તપ આચર્યો તો તેના એ તપ:તેજના પ્રભાવને વિશલ્યાના ભાવમાં પણ પ્રજ્ઞપ્તિ વિઘાની બેન સહન કરી શકી નહિ. આ બધાના યોગે આત્મા શાશ્વત છે એ વાત બરાબર ધ્યાનમાં આવી જાય અને એક ભવની કરણીની અસર
......
મને વેગવતીનું કલંકદર...૯.
૨૨૩
