________________
શાસનની નિન્દા સાલતી હતી. એમને એમ લાગ્યું કે, મારા નિમિત્તે જૈન શાસનની આટલી બધી અપભ્રાજવા થાય, એ હું કેમ સહી શકું? મારે મારા નિમિત્તે થતી આ અપભ્રાજવાને અટકાવવી જ જોઈએ.
સભા : લોકો ઉદ્ઘોષ તો તેમના કલંકનો કરતા હતા અને ઉપદ્રવ પણ તેમની સામે જ હતો.
પૂજયશ્રી : બરાબર છે, પણ મુનિ એ શું જૈનશાસનની બહારની વ્યક્તિ છે ? મુનિની નિન્દામાં મુનિમાર્ગની નિન્દા છે અને મુનિમાર્ગની નિન્દામાં મુનિની નિન્દા છે. વળી દેખીતી રીતે એ નિન્દા સુદર્શન મુનિવરની હતી, પરંતુ એ નિદાના યોગે જૈન મુનિમાર્ગ પ્રત્યે દુર્ભાવ પેદા થાય કે નહિ ? ‘જૈન મુનિઓ આવા ભ્રષ્ટાચારી હોય છે.' એવો લોકવાદ પ્રવર્તે કે નહિ ? અને એવો લોકવાદ પ્રવર્તે, એ શું સામાન્ય કોટિની શ્રી જૈનશાસનની અપભ્રાજના છે?
ધર્મી ગણાતા જીવોની જોખમદારી ઘણી છે ધર્મી તરીકે ઓળખાતા આદમીના સારા-નરસા વર્તનની અસર રૂપે શાસનની પ્રભાવના આશાતના થાય તે સ્વાભાવિક જ છે. જગતમાં ઘણા જીવો એવા હોય છે, કે જેઓ ધર્મના અનુયાયી તરીકે પંકાતા આદમીઓના વર્તન ઉપરથી તે તે અનુયાયીઓ જે જે ધર્મને માનનારા હોય છે, તે તે ધર્મના સારા-નરસાપણાનો વિચાર કરે છે. ધર્મીના સારા વર્તનને જોઈને એવા આત્માઓ સહજ રીતે બોલી ઉઠે છે કે, ‘આ જે ધર્મના અનુયાયી છે, તે ધર્મ કેવો સરસ છે? આ જે ધર્મને માને છે તે ધર્મ જરૂર સારો હોવો જોઈએ કારણકે, એ વિના આ માણસનું વર્તન આટલું ઉમદા હોઈ શકે નહિ.' એ જ રીતે ધર્મી તરીકે ઓળખાતા આદમીના ખરાબ વર્તનને જોઈને એવા આત્માઓ સહજ રીતે એ બોલી ઉઠે છે કે, ‘આ માણસ જે ધર્મને માને છે, તે ધર્મમાં કાંઈ માલ જેવું દેખાતું નથી નહિતર આ માણસ એવા ધર્મનો ચુસ્ત
મુજને વેગવતનું કલંકદાન....૯.
