________________
૨૦૦
રામ નિર્વાણ ભાગ છે..
સભા : આમ કરવું જ ભયંકર કહેવાય.
પૂજ્યશ્રી : આમ કરવું, એ ઘણું જ ભયંકર કહેવાય એની ના નથી, પણ આજે કહેવાતા સુધારકો અગર ધર્મષીઓ જે જાતિનો પ્રચાર કરી રહ્યા છે, તે જોતાં એમાં આશ્ચર્ય પામવા જેવું પણ કાંઈ નથી.
સભા : વેગવતીને આવી કલ્પના કરવાને કોઈ નિમિત્ત મળ્યું હશે?
પૂજ્યશ્રી : નહિ જ, કારણકે, ગ્રંથકાર પરમર્ષિ જ, ઉપહાસ કરવાનું તેને મન થયું, એમ ફરમાવે છે. આજના લોકોની વાતમાં આપણે તેવી કલ્પના કરીને પણ વિચાર કરીએ, તો ય આવું આળ મૂકી શકાય, એમ કોઈ જ ડાહો માણસ નહિ કહે. આવી લ્પના કરવાને આપણને નિમિત્ત મળી જાય, તો ય તપાસ તો કરવી જોઈએ ને ? પૂરતી તપાસ કરીને વાતમાં શું તથ્ય છે એની ખાત્રી તો કરી લેવી જોઈએ ને ? એથી પણ આગળ વધીને આપણે વિચાર કરીએ કે, પૂરતી તપાસ કરી અને એના પરિણામે મુદ્દા સાથે હકીકત જાણવામાં આવી, પણ તેથી આવો ઢેડફજેતો કરાય ? મુનિવરની નિદા સાથે શાસનની નિન્દા થાય કે નહિ ? શાસનની નિન્દા થવા સાથે દોષિત મુનિના આત્માનું કારમું અહિત પણ થઈ જાય ને ?
સભા: એય બનવાજોગ છે, પણ મુનિવેષમાં એવું પાપ આચરે તે કેમ સહી શકાય?
પૂજયશ્રી : તો એ કહો કે ઢેડફજેતો કરવાથી શો ફાયઘે થાય ?
સભા : એવા પાપીઓના સંસર્ગથી અનેક આત્માઓ બચી તો શકે ને ?
પૂજ્યશ્રી : પણ શાસનની નિદા થાય, એથી અનેક બાળજીવોના માર્ગમાં અન્તરાય પડે કે નહિ ? માર્ગસમુખ બનેલા આત્માઓમાંના કેટલાક માર્ગવિમુખ દશા પામે એમ બને કે નહિ ?
