________________
પેલા મુનીશ્વરે ધનદત્તને યોગ્ય જાણીને આ જાતિનો ઉપદેશ આપ્યો અને ધનદત્તના હૃદય પર પણ તેની ઘણી જ સુંદર અસર થઈ. જેમ મુનીશ્વર ઉપદેશનાં વચનો સંભળાવતા ગયા, તેમ તેમ ધનદત્તને એમ જ લાગતું ગયું કે, મારું અંતર અમૃતથી સીંચાઈ રહયું છે. જેનું અંતર અમૃતથી સીંચાય, એ ભૂખને ભૂલી જાય ને ? એનો સંતાપ ભાગી જાય ને ? ધનદતમાં અપૂર્વ પરિવર્તન આવ્યું. એણે શ્રાવકધર્મનો સ્વીકાર કર્યો. શ્રાવકધર્મની આરાધના કરીને મૃત્યુ પામીને એ ધનદત્ત સૌધર્મ દેવલોકમાં દેવતા થયો.
ધનદત્તને વાગ્દાનથી દેવાએલી ગુણવતી, તેની માતા દ્વારા લોભના કારણે શ્રીકાન્તને પણ છૂપી રીતે દેવાઈ, એથી ગુસ્સે થઈને શ્રીકાન્તને હણવા જ્વાર ધનદત્તનો ભાઈ વસુદત્ત કઈ દશાને પામ્યો ? પહેલાં તિર્યચપણાને પામ્યો અને તે પછી પણ એ દુર્ગતિમાં ભટકનારો બન્યો ! જ્યારે ધનદત્તની ભવિતવ્યતા સુંદર હોવાથી એને મુનીશ્વરનો યોગ થઈ ગયો અને શ્રાવકધર્મની આરાધનાથી એ દેવપણાને પામ્યો ! એક જ પિતા અને એક જ માતાના બે પુત્રો, છતાં ફેર કેટલો બધો ? ભાઈના હિત માટે પાપ કર્યું. એ કાંઈ દલીલ છે ? કારમાં પાપ આચરો અને નરકે જવું પડે ત્યારે કહે કે – ‘એ તો મા-બાપ માટે આચર્યા હતાં' - તો એવો બચાવ પરમાધામીઓ પાસે ચાલે ? નહિ જ. કોઈની સેવાના નામે પણ કોઈનો ઘાત કરવા તૈયાર થવાય નહિ. ભાઈ, પત્ની, છોકરાં કે બીજા ગમે તેને માટે પાપ કરો પણ પરિણામ તો તમારે જ ભોગવવું પડશે ને ? માટે સમજો. શ્રી રામચંદ્રજીના જીવે સુગ્રીવતા જીવ-બળદ
ઉપર કરેલો ઉપકાર શ્રીજયભૂષણ નામના કેવળજ્ઞાની પરમષિ, હવે આગળ ફરમાવે છે કે, તે ધનદત્તનો જીવ સૌધર્મ દેવલોકના આયુષ્યને પૂર્ણ કરીને, ત્યાંથી ઢવ્યો અને મહાપુર નામના નગરમાં, મેરૂશેઠને ઘેર તેમની ધારિણી નામની પત્નીની કુક્ષિથી પુત્રપણે ઉત્પન્ન થયો. તેનું
...ઘર્મદેશનાં અને પૂર્વભવોને વહતો.૮
૧૮૧ી
