________________
પૂજયશ્રી : કોઈ કોઈવાર પણ આખો દિવસ એવા ને એવા જ ઝઘડા આવ્યા કરે, એમ ખરું?
સભા : ના જી.
પૂજયશ્રી : આટલું પ્રત્યક્ષ હોવા છતાં પણ એમ બોલવું કે જગતમાં ધર્મના નામે જેટલા ઝઘડાઓ જામ્યા છે, તેટલા ઝઘડાઓ બીજી કોઈપણ વસ્તુના નામે કે નિમિત્તે આ જગતમાં જામ્યા નથી. એ શું વ્યાજબી ગણાય ? હંમેશને માટે સેંકડો અઘલતો ઝઘડાઓનો નિકાલ કરવામાં રોકાયેલી રહે છે, અને તેમ છતાં ધર્મના નામે ઉત્પન્ન થવા પામેલા ઝઘડાઓ તો, તમે પણ કબૂલ કરો છો કે, કોઈ કોઈવાર આવે છે, ત્યારે તે સિવાયના જેટલા ઝઘડા, તે બધા તો અર્થ-કામની લોલુપતા કે વિષય કષાયની આધીનતામાંથી જ ઉત્પન્ન થયેલા, એ વાત તો સાચી જ ને ?
સભા: એમાં ના નહિ.
પૂજ્યશ્રી : તો પછી, એમ કેમ કહેવાય કે, આ જગતમાં ધર્મના નામે જેટલા ઝગડાઓ જામ્યા છે, તેટલા ઝગડાઓ બીજી કોઈપણ વસ્તુના નિમિત્તે જામ્યા નથી ? હજુ આગળ, જે માણસો અર્થ અને કામના અતિ રસિક હોય તેમજ વિષય અને કષાયને ખૂબ ખૂબ આધીન બનેલા હોય, એવા માણસો ધર્મના નામે ઝઘડતા હોય તો પણ તેમાં નામ માત્ર ધર્મનું હોય અને મૂળભૂત કારણ અર્થ-કામની રસિકતા અગર તો વિષય-કષાયની આધીનતા હોય, એમ નથી લાગતું?
સભા : તદ્દન સાચી વાત.
પૂજ્યશ્રી : સાચો ધર્મી કોઈની સાથે ઝઘડતો માલૂમ પડે,તો પણ સમજી જ લેવું જોઈએ કે, અર્થ અને કામના રસિક એવા કોઈને પાપે જ એને ઝઘડામાં ઉતરવાની ફરજ પડી છે. ધર્મને લાગે-વળગે છે ત્યાં સુધી એ ઝઘડાને ઉત્પન્ન થવા દેતો જ નથી. ધર્મ પ્રેરે છે માત્ર આવી પડેલા ઝઘડાથી ધર્મ અને ધર્મી-ઉભયનું રક્ષણ કરવાને ! સાચો
.શ્રી રામચન્દ્રજીજો રોષ અને શ્રી લક્ષમણજીના હિતશિક્ષ૮..૭
૧૬૯
