________________
८५
રામ નિર્વાણ ભાગ છે..
ન જ કરે એમ તો નહિ, પણ આત્મકલ્યાણનાં કામોમાં ઉપયોગ કરવાની એમની વિશેષ તત્પરતા હોય. જેટલી સામગ્રી શ્રી જિનપૂજા, ગુરૂસેવા, સાધર્મિક્શક્તિ આદિમાં વપરાય, તેને જ તેઓ સફળ માટે અને એથી શ્રી જિન પૂજાદિમાં વ્યય કરે તે ઉલ્લાસભેર કરે. વિચાર કરો કે, લક્ષ્મી અને બળનો ઉપયોગ ક્યાં થવો જોઈએ અને આજે ક્યાં થઈ રહ્યો છે ? બળવાન રોજ અખાડા જ ખેલે અને લક્ષ્મીવાત્ રોજ ભોગવિલાસ જ ભોગવે, એમ? પછી ધર્મ ક્યારે અને કોણ કરે ? બળ તથા લક્ષ્મીનો એ સદુપયોગ નથી પરંતુ દુરૂપયોગ જ છે. પૂર્વેના પુણ્યવાનોની સામગ્રીના હિસાબે આજ્ની સામગ્રી જેમ અતિશય તુચ્છ છે, તેમ પૂર્વના પુણ્યવાનોના વિરાગના હિસાબે આજ્નો વિવેક અને વિરાગ પણ અતિશય અલ્પ છે. જો સાચો વિવેક અને વિરાગ પ્રગટે, તો લક્ષ્મીની આટલી ગુલામી ટકી શકે નહિ. લક્ષ્મીની ઘેલછા વિવેકના અભાવને સૂચવનારી છે અને વિવેકહીન આત્માઓ મળેલી ઉત્તમ પણ સામગ્રીનો દુરૂપયોગ કરે, તો એમાં આશ્ચર્ય પામવા જેવું કાંઈ છે જ નહિ. એવાઓ પોતાના પરભવને સુધારે કે બગાડે ? સભા : બગાડે.
પૂજ્યશ્રી : તમારે પરભવને સુધારવો છે કે બગાડવો છે ? તમે તમારો પરભવ સુધરે એમાં રાજી કે તે બગડે એમાં રાજી ?
સભા : પરભવ સુધરે એમાં જ સૌ રાજી હોય.
પૂજ્યશ્રી : છતાં તમારી એ રાજીની કિંમત તમે કેટલી આંકો છો, એ મોટો સવાલ છે.
પરભવ ક્યારે યાદ આવે છે ?
તમારો પરભવ સુધરે એમાં તમે રાજી છો, તો પરભવને સુધારવાને માટે દિવસમાં કેટલા કલાક મહેનત કરો છો ? તમારી કરણીઓમાં તમે પરભવને માનો છો અને પરભવને સુધારવાને ઇચ્છો છો, એવું દેખાય છે ? અને દેખાય છે, તો તે કેટલા પ્રમાણમાં દેખાય
