Jain Ramayan Part 06

SR No.: 022833
Original Sutra Author: N/A
Author: Ramchandrasuri, Shreyansprabhsuri
Publisher: Smrutimandir Prakashan
Publication Year: 2011
Total Pages: 286
Language: Gujarati
Classification: Book_Gujarati
File Size: 11 MB

Page 37

સાચો દયાળું કોણ ? પાપથી બચાવે તે છોકરો નિષ્પાપ જીવનમાં જાય એ માટે રોકકળ અને છોકરો પાપમાં ખૂંચે તેની ચિન્તા કે દયા કશું જ નહિ ! કોઈ પાપી બને એવું તમને કેટલું દુ:ખ છે અને કોઈ દીક્ષિત બને એવું તમને કેટલું દુ:ખ છે ? આ બેનું માપ કાઢો દુનિયામાં સેંકડો આદમીઓ પાપો આચરી રહ્યા છે, એની દયા આવી ? સેંકડો આદમીઓ પાપથી બચવાનો માર્ગ જાણતા નથી, અજ્ઞાન છે, એની દયા આવી ? કોઈ દિવસ એમ થયું કે ‘પાપમાં મસ્ત બનેલા અજ્ઞાનીઓ બિચારા શી રીતે ઉગરે અને દુર્ગતિ આદિના દુ:ખોથી કયી રીતે બચે ? દુ:ખ ખટકે છે અને દુ:ખને ઉત્પન્ન કરનાર પાપ ખટકતું નથી, એવું કારણ ? જેને પાપ ખટકે નહિ તે જ દીક્ષાનો વિરોધ કરી શકે. દયાળુ દીક્ષાનો વિરોધી હોય નહિ. દીક્ષિતના માતા-પિતા વગેરેને મોહથી દુ:ખ થાય, ત્યારે સાચો દયાળું દીક્ષિતને પાડવાનો પ્રયત્ન ન કરે, પણ મોહાધીનોમાં વિવેક પ્રગટાવવાનો જ પ્રયત્ન કરે ! પણ એ, સમ્યક્ત્વ ગુણની છાયા આવ્યા વિના પ્રાય: બને નહિ. આજે તો આત્મા, પુણ્ય પાપ આદિનો વિશ્વાસ નથી અને એથી જ શ્રી જિનેશ્વરદેવોની આજ્ઞા મુજબ અપાયેલી અને અપાતી દીક્ષાનો પણ વિરોધ થઈ રહ્યો છે. મોટે ભાગે તો આત્મા તથા પુણ્યપાપ અને મોક્ષ આદિનો વિશ્વાસ નહિ હોવાને કારણે દિકરો મરે તે ખમાય છે પણ આત્મકલ્યાણના માર્ગે જાય તે ખમાતું નથી, પણ એ પાપમાં સાથ દેનારા તો મહાપાપીઓ જ છે.
........ઘણું સુખ આપણે જ મેળવવાનું છે........
શત્રુઘ્ને યુદ્ધના આરંભમાં જ મધુના લવણ નામના દીકરાને હણી નાખ્યો, એથી રાજા મધુને ખૂબ ક્રોધ ચઢ્યો. પહેલા મધુનો દીકરો મર્યો, તે એની હારની નિશાની છે. યુદ્ધમાં જેના પક્ષમાં કોઈ મુખ્ય પહેલો મરે, તે પક્ષની પ્રાય:હાર થાય છે.
પોતાના દીકરાના અવસાનથી રાજા મધુ હવે ગુસ્સામાં આવીને લડે છે. પોતાના ધનુષ્યનું આસ્ફાલન કરીને તે શત્રુઘ્નની સામે દોડે છે અને બંનેય વચ્ચે શસ્ત્રાશસ્ત્રીનું ઘોર યુદ્ધ મચે છે. દેવો વિરુદ્ધ દાનવોના યુદ્ધની જેમ તે યુદ્ધ ઘણો કાળ ચાલ્યું અને શત્રુઘ્ન તથા મધુ એક બીજાના અસ્ત્રોને અસ્ત્રોથી છેદતા જ રહ્યા. શત્રુઘ્ને જોયું કે,
‘હવે સામાન્ય હથિયારોથી કામ નહિ ચાલે. દુશ્મન સામાન્ય ૧૯
@@