Page Text
________________
કરનારા પણ ઘણી જ સહેલાઇથી બની શકે છે. મહાસતી શ્રીમતી સીતાજીની આ વાત, લોકહેરીમાં પડેલા ધર્માચાર્યો આદિએ પણ ખાસ ધ્યાનમાં લેવા જેવી છે. તેઓને માટે પણ આઠમા સર્ગનો આ અત્તિમ પ્રસંગ અને ખાસ કરીને શ્રીમતી સીતાજીના સંદેશામાંની આ વાત ખૂબ જ પ્રેરક અને ઉપકારક છે.
કૃતાન્તવદતની સુંદર વિચારણા આપણે જોઈ ગયા છીએ કે, પોતાના પતિ શ્રી રામચન્દ્રજીને પહોંચાડવાનો સંદેશો કૃતાન્તવદનને સાંભળ્યા બાદ, મહાસતી શ્રીમતી સીતાજી પુન: પણ મૂચ્છ પામીને જમીન ઉપર પટાકાયાં છે. થોડી વારે તેઓ ચેતનાને પામે છે, ઉઠે છે અને કહે છે કે, ‘મારા વિના શ્રી રામચન્દ્રજી જીવશે શી રીતે ? અરે, રે, હું તો મરી ગઈ છું !' આ શબ્દો + મોહના યોગે જ બોલાયા છે. આવા ઉત્તમ પણ આત્માઓને મોહ આ રીતે સતાવે છે. ખરેખર, મોહને માર્યા વિના છૂટકો જ નથી. મોહને માર્યા છે વિના આત્માને સાચા સુખની પ્રાપ્તિ થતી નથી.
સભા : મરી ગઈ એમ કહેવાય ?
પૂજ્યશ્રી : અતિ દુ:ખના યોગે એવું પણ બોલાઈ જાય. આવા શબ્દો આક્તની મોહમય અસરના સૂચક છે. ખેર, એટલું બોલ્યા પછી મહાસતી શ્રીમતી સીતાજી કહે છે કે,
શ્રી રામચન્દ્રજીને કહેજે કે, સીતા આપનું કલ્યાણ ઇચ્છે છે અને શ્રી લક્ષ્મણજીને મારી આશિષ જણાવજે. હે વત્સ ! હવે તું શ્રી રામચન્દ્રજીની પાસે જા. તારો માર્ગ કલ્યાણકારી હો !' શ્રીમતી સીતાજીની આ બધી વાતો સાંભળીને તાત્તવદન તો દિમૂઢ જેવો બની ગયો છે અને એ જ થાય છે કે, “શ્રી રામચંદ્રજીનું મૃત્યુ કેવું અને શ્રીમતી સીતાજીની ભાવના કેવી ? ધન્ય છે આવી સતીઓને ! આ શ્રીમતી સીતાજી, ખરેખર જ, સતીઓમાં શ્રેષ્ઠ છે.” હવે પોતાને જવાનું હોઈને કૃતાન્તવદન ખૂબ ખૂબ રીતે મહાસતી શ્રીમતી સીતાજીને પ્રણામ કરે છે અને શ્રીમતી સીતાજીને વનમાં છોડી ધીરે ધીરે પાછો ફરે છે. રસ્તે પણ એ જ ચિત્તવે છે કે, આવા પણ વિપરીત વૃત્તિવાળા સ્વામીને વિષે જે મહાસતી આવી ભક્તિ અને આવી ભાવનાવાળી છે, તેથી આ મહાસતી ખરેખર જ સતીઓમાં મુખ્ય છે.'
૨૬૩
મહાસતી સતદેવીનો સંદેશ
இல் இதில் இது அதில் இது அதில் அஇஅது
૧૧
| SR No. | 022833 |
| Book Title | Jain Ramayan Part 06 |
| Original Sutra Author | N/A |
| Author | Ramchandrasuri, Shreyansprabhsuri |
| Publisher | Smrutimandir Prakashan |
| Publication Year | 2011 |
| Total Pages | 286 |
| Language | Gujarati |
| Classification | Book_Gujarati |
| File Size | 11 MB |