________________
१०
....સીતાને કલંક....ભાગ-૬
ઉત્તમ આત્માઓ અપકારીના અપકારને ભૂલી જાય છે. પણ ઉપકારીના ઉપકારને ભૂલતા નથી. વફાદાર સેવકોની થોડી પણ સેવાને ઉત્તમ આત્માઓ ભૂલે નહિ.
શ્રી રામચન્દ્રજી શ્રી બિભીષણને આખોય રાક્ષસદ્વીપ આપે છે જો કે, લંકા તો પહેલેથી ભેટ આપી જ હતી. પણ હવે આખોય રાક્ષસદ્વીપ બિભીષણને ભેટ આપ્યો. તે પછી સુગ્રીવને આખોય કપિદ્વીપ અર્પણ કર્યો. શ્રી હનુમાનને શ્રીપુરનગર આપ્યું. વિરાઘને પાતલલંકાનું, નીલને ઋક્ષપુરનું, પ્રતિસૂર્યને હનુપૂરનું, રત્નજટીને દેવોપગીત નગરનું, અને શ્રીમતી સીતાદેવીના ભાઈ ભામંડલને વૈતાઢ્યગિરિ ઉપર આવેલા રથનૂપુર નગરનું રાજ્ય આપ્યું. પોતપોતાની હદમાં સૌને સ્વતંત્રપણે રાજ્ય ભોગવવાની છૂટ આપી. એ બધાય પોતાને વાસુદેવ બળદેવના સેવક જ માને અને તેવોજ વર્તાવ રાખે, પણ તે તે પ્રદેશોમાં તેમનું શાસન સ્વતંત્રપણે વર્તી શકે. એ કાલે અનીતિનું સેવન ન હતું
આ ઉપરાંત બીજાઓને પણ જુદા જુદા પ્રદેશો ભેટ આપ્યા બાદ, શ્રી રામચન્દ્રજી વિચારે છે કે, ‘આ નાનાભાઈ શત્રુઘ્નને શું આપવું?' ચાર ભાઈઓમાં શ્રી ભરતજીએ તો દીક્ષા લીધી, શ્રી લક્ષ્મણજી વાસુદેવ તરીકે ગાદીપતિ બન્યા અને શ્રી રામચન્દ્રજી બળદેવ તરીકે ત્યાં જ રહ્યાં. એટલે બાકી રહ્યા એક માત્ર શત્રુઘ્ન. જો કે, શત્રુઘ્ન અયોધ્યામાં રહે તો કાંઈ વાંધો નથી, પણ બીજાઓને અમુક અમુક પ્રદેશો અપાય અને એને ન અપાય તો એ ઉચિત નહિ,આથી શ્રી રામચન્દ્રજીએ પોતાના નાનાભાઈ શત્રુઘ્નને કહ્યું કે, ‘વસ્તુછ્યું રોવતે વત્સ !, તેં ફેશભુરી> !' શ્રી રામચન્દ્રજીએ બીજાઓને તો પોતાની મરજી મુજબ આપ્યું, પણ શત્રુઘ્નને તો એ જ કહ્યું કે, ‘તારે જે દેશ જોઈતો હોય તે તું લઈ લે.’
નાનોભાઈ જે માંગે તે મોટોભાઈ આપી દેને ? સભા : વ્યાજબી માંગણી હોય તો !
પૂજ્યશ્રી : વ્યાજબી માંગણી કોને કહેવાય ? પોતાના સ્વાર્થને જરાય અડચણ ન આવે અને તેમ છતાં પણ નાના ભાઈને તેની ઇચ્છા મુજબ દીધું એમ કહેવાય, તે જ વ્યાજબી માંગણી ગણાય,
